ஒன்றரை பிளேட் பிரியாணியை வெளுத்துக்கட்டும் நயன்தாரா

By Siva

| Published: Monday, February 11, 2013, 12:09 [IST]

சென்னை: நயன்தாரா டயட்டில் இருந்தாலும் பிரியாணியை மட்டும் வெளுத்துக்கட்டுவாராம்.

நயன்தாரா எப்படி ஸ்லிம்மாக அழகாக இருக்கிறார். டயட்டில் இருக்கும் அவர் உணவு விஷயத்தில் மிகவும் கவனமாக இருக்கிறார். ஆனால் அம்மணிக்கு பிரியாணி என்றால் மட்டும் ஓவர் பிரியம். அதனால் என்ன தான் டயட்டில் இருந்தாலும் பிரியாணி கிடைத்தால் மட்டும் ஒன்றரை பிளேட் சாப்பிடுவாராம்.

பார்த்தா ஒன்றரை பிளேட் பிரியாணி சாப்பிடுகிறவர் மாதிரியா இருக்கிறார்? ஆளைப் பார்த்து எதையும் முடிவு செய்துவிடக் கூடாது போலும். நயன் அஜீத்துடன் ஒரு படத்தில் நடித்து வருகிறார். அந்த படத்தின் பெயரை மட்டும் கேட்காதீர்கள். ஏனென்றால் இயக்குனர் விஷ்ணுவர்தன் பெயரை சொல்வேனா என்று அடம் பிடிக்கிறார்.

இனி பிகினி காட்சியில் நடிக்க மாட்டேன் என்று கூறியுள்ள நயன் அண்மையில் பாலிவுட் நடிகர் ஷாருக்கானுடன் குத்தாட்டம் போட வந்த வாய்ப்பை தட்டிக் கழித்தார் என்பது குறிப்பிடத்தக்கது.