சமீராரெட்டிக்கு திருமணம்: காதலரை மணக்கிறார்

சமீராவின் காதல்

தமிழ், தெலுங்கு, இந்திப் படங்களில் பிஸியாக நடித்து வந்த சமீரா ரெட்டி தனது காதலை ஒருபோதும் வெளிப்படுத்தாமல் ரகசியம் காத்து வந்தார். தற்போது அவரது காதல் அம்பலத்துக்கு வந்துள்ளது.

திருமண நிச்சயம்

கடந்த வாரம் சமீரா அக்ஷய் திருமண நிச்சயதார்த்தம் பாந்தராவில் உள்ள சமீராவின் வீட்டில் ரகசியமாக நடந்தது. இதில் நெருங்கிய நண்பர்கள் மட்டும் கலந்துகொண்டனர். இருவரும் மோதிரம் மாற்றிக்கொண்டனர்.

பக்கத்து வீட்டில்

நிச்சயதார்த்தத்தில் கலந்துகொண்ட ஒருவர் கூறும்போது, சமீராவும், அக்ஷயும் ஒரே தெருவில் அருகருகே வசித்து வந்தனர். இது சமீராவுக்கு நீண்ட நாட்களாக தெரியாமல் இருந்தது. இருவரும் காதலர்களான பிறகே இந்த விவரம் தெரியவந்ததாம்

ஏப்ரலில் திருமணம்

அக்ஷயுடன் நிச்சயதார்த்தம் நடந்ததா? என்று சமீராவிடம் கேட்டபோது, ஆமாம் எங்களது நிச்சயதார்த்தம் நடந்துவிட்டது. அடுத்த ஆண்டு ஏப்ரல் மாதம் திருமணம் நடக்க உள்ளது என்றார். -

காதல் ஜோடிகள்

கடந்த இரு வருடங்களாகவே இருவரும் பல்வேறு இடங்களில் ஜோடியாக சுற்றித்திரிந்தனர். அப்போது இருவருக்கும் காதல் மலர்ந்தது. இருவரும் மோட்டார் சைக்களில் பல சமயங்களில் ஜோடிபோட்டு சுற்றியுள்ளனராம்.

அப்போது தன்னை யாரும் அடையாளம் கண்டுகொள்ள முடியாதபடி சமீரா ஹெல்மெட் அணிந்து காதலனுடன் வலம் வந்துள்ளார் சமீரா.