ஹக் பண்ண போன அமலா பால்: நைசாக நழுவிய இயக்குனர்

நல்லவர்

இயக்குனர் ராம் ரொம்ப நல்லவர். இந்த ராட்சசன் படத்திற்காக கஷ்டப்பட்டோம். படப்பிடிப்பு முடிந்தபோது அப்பாடா முடிந்துவிட்டது என்று மகிழ்ச்சி அடைந்தோம். அந்த மகிழ்ச்சியில் நான் ராமை ஹக் பண்ண போனேன். ஆனால் அவர் பின்னாடி போய்விட்டார். ராம் ரொம்ப ரொம்ப ரொம்ப நல்லவர். அவருக்கு விரைவில் அவரின் வாழ்க்கைத்துணை கிடைக்கும் என்று நினைக்கிறேன்.

ரசிகர்கள்

இந்த ராட்சசன் படத்தை ஏற்றுக் கொண்ட ரசிகர்களுக்கு நன்றி. நல்ல கதை இருந்தால் படத்தை வெற்றி அடையச் செய்துவிடுவார்கள் என்பதை ரசிகர்கள் புரிய வைத்துவிட்டார்கள். மீ டூ பற்றி முதல் ஆளாக ட்வீட் செய்ததே நான் தான்.

பாலியல் தொல்லை

கடந்த பிப்ரவரி மாதம் எனக்கு பாலியல் தொல்லை கொடுக்கப்பட்டபோது நான் மீ டூ என்று ட்வீட் செய்தேன். அந்த நேரம் தான் சர்வதேச அளவில் மீ டூ இயக்கம் தீவிரம் அடைந்தது. பாலியல் தொல்லைகள் சினிமா துறையில் மட்டும் அல்ல பல துறைகளில் உள்ளது. மீ டூ ஒரு நல்ல விஷயம். இந்த இயக்கம் இன்னும் தீவிரமடையும். அனைவரும் இதை பயன்படுத்திக் கொள்ள வேண்டும் என்று விரும்புகிறேன்.

சினிமா

ராட்சசன் எனக்கு 35வது படம். நான் படங்களில் நடிப்பதற்காகவே பிறந்தேன் என்று சொல்வேன். அதை நான் நம்புகிறேன். இனி நான் பிரேக் எடுக்கவே முடியாது. என் வாழ்நாள் முழுவதும் சினிமா துறையில் ஒரு அங்கமாக இருப்பேன். நான் 18 வயதில் நடிக்க வந்தேன். தமிழ் திரையுலகம் தான் எனக்கு அம்மா.

நடிகை

ஒரே இரவில் பெரிய ஸ்டாராக வேண்டும் என்று நினைத்து வந்தேன். 8 ஆண்டுகள் கழித்து தற்போது எனக்கு ஸ்டார் ஆக வேண்டாம். நல்ல நடிகையாக வேண்டும். படங்களில் ரசித்து ரசித்து நடிக்க வேண்டும். பல திறமையான இயக்குனர்களுடன் நல்ல கதைகளில் நடிக்க வேண்டும் என்று விரும்புகிறேன் என்றார்.