Don't Miss!
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Automobiles இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
டெல்லி மாணவிக்கு ஆதரவாக பாலிவுட் நடிகை அரை நிர்வாண போஸ்: இப்படியும் ஒருவர்?
டெல்லி: டெல்லியில் ஓடும் பேருந்தில் பாலியல் பலாத்கராம் செய்யப்பட்ட மருத்துவ படிப்பு மாணவிக்கு ஆதரவாக பாலிவுட் நடிகை சூசனா ரெட்டி அரை நிர்வாண போஸ் கொடுத்துள்ளார். இந்த சந்தர்பத்தையுமா பயன்படுத்தி விளம்பரம் தேடுவார்கள் என்று பலர் அவரை விமர்சித்து வருகின்றனர்.
கடந்த 16ம் தேதி இரவு டெல்லியில் ஓடும் பேருந்தில் 6 பேர் கொண்ட கும்பல் மருத்துவ படிப்பு படிக்கும் 23 வயது மாணவியை பாலியல் பலாத்காரம் செய்தது. இதை தடுக்க முயன்ற அவரது ஆண் நண்பரை இரும்புக் கம்பியால் தாக்கியது. பின்னர் அந்த பெண்ணையும் இரும்புக் கம்பியால் தாக்கி அவரின் குடலில் ஒரு பகுதியை உருவியது. இதையடுத்து அவர்கள் இருவரின் ஆடைகளை அவிழ்த்துவிட்டு பேருந்தில் இருந்து கீழே வீசிச் சென்றது.
இந்த கொடூரச் செயலைக் கண்டித்து டெல்லியில் பெண்கள் போராட்டத்தில் குதித்தனர். அரசியல்வாதிகள், திரையுலகினர் என்று பலரும் தங்கள் கண்டனத்தை தெரிவித்துக் கொண்டனர். இந்நிலையில் இந்த சந்தர்பத்தை பயன்படுத்தி பாலிவுட்டில் அடி எடுத்து வைத்திருக்கும் நடிகை சூசனா ரெட்டி விளம்பரம் தேடியுள்ளார்.
கற்பழிக்கப்பட்ட மாணவிக்கு ஆதரவாம்
சூசனா கற்பழிக்கப்பட்ட மாணவிக்கு நியாயம் கேட்டு அரை நிர்வாண போஸ் கொடுத்து போட்டோக்களை வெளியிட்டுள்ளார். அந்த மாணவியை இந்த நிலைமைக்கு ஆளாக்கியவர்களை கடுமையாக தண்டிக்க வேண்டும் என்று வலியுறுத்தி அவர் இவ்வாறு செய்துள்ளாராம்.
ஆடையின்றி வெறும் அட்டையுடன் சூசனா
ஒரு பெண்ணின் வாழ்க்கை சீரழிந்துள்ள நேரத்தில் சூசனா ஆடை எதுவும் அணியாமல் கற்பழிக்காதீர்கள் என்று ஆங்கிலத்தில் எழுதிய சிறிய அட்டையை மட்டும் பிடித்துக் கொண்டு முகம் நிறைய மேக்கப்போடு போஸ் கொடுத்துள்ளார். இது தான் அவரைப் பொருத்த வரை அக்கறை போல்.
அரை நிர்வாணத்தால் மாணவிக்கு நியாயம் கிடைத்துவிடுமா?
மேல் அழகை மறைக்க சிறிய அட்டை, கீழே சிறிய அட்டை ஆகியவற்றுடன் கையை ஊன்றிக் கொண்டு உட்கார்ந்தவாறு போஸ் கொடுத்துள்ளார். அந்த அட்டைகளில் மாணவியை சீரழித்தவர்களை தூக்கில் போடுமாறு தெரிவித்துள்ளார். கயவர்களை தண்டிக்கச் சொல்ல இப்படி ஆடையின்றி தம்மாத்துண்டு அட்டையுடன் போஸ் எதற்கு?
சுய விளம்பரத்திற்காக இப்படியும் செய்வதா?
கற்பழிக்கப்பட்ட மாணவிக்கு ஆதரவு தெரிவிக்க அரை நிர்வாண போட்டோ தான் வழியா?. தனது சுய விளம்பரத்திற்காக ஏற்கனவே நொந்து போயுள்ள பெண்ணின் வழக்கை கையில் எடுப்பதா என்று சூசனா மீது பலரும் கடுப்பில் உள்ளனர். அவர் அரை நிர்வாணமாக போஸ் கொடுத்து போட்டோ எடுத்து வெளியிட்டால் அந்த மாணவிக்கு நியாயம் கிடைத்துவிடுமா என்ன என்று பலரும் விமர்சித்து வருகின்றனர். சூசனா தி சிட்டி தட் நெவர் ஸ்லீப்ஸ் என்ற படத்தில் நடித்து வருகிறார் என்பது குறிப்பிடத்தக்கது. சூசனாவின் அரை நிர்வாண போஸ் கொண்ட போட்டோக்களால் டெல்லி மாணவிக்கு ஏதாவது பயனுன்டா? விளம்பரம் தேட எந்த விவகாரத்தை கையில் எடுப்பது என்றில்லையா இவருக்கு? என்று பலரும் முகம் சுளிக்கின்றனர்.