நீயெல்லாம் ஹீரோயின் மெட்டிரியலே இல்ல - பட்ட அவமானம் குறித்து மனம் திறந்த ஐஸ்வர்யா

டான்சர் டூ நடிகை

மாநிறம், நடுத்தவர்க்கத்துக்கே உரிய அழகு என அச்சு அசல் நமது பக்கத்து வீட்டுப் பெண் போல் இருக்கும் ஐஸ்வர்யா ராஜேஸ் ஆரம்ப காலக்கட்டத்தில் குரூப் டான்சராக சினிமாவிற்குள் நுழைந்தவர். மானாட மயிலாட நிகழ்ச்சியில் பங்கேற்று, பின்னர் அசத்தப் போவது யாரு நிகழ்ச்சியில் ஆங்கர் ஆகி அப்படியே படிப்படியாக நடிகையானவர்.

ரம்மி அடித்தார்

சினிமாவில் படத்தலைப்புகள், கதாப்பாத்திரங்களின் பெயர்கள் இதனை சுற்றி நம்பிக்கைகள் அதிகம். அது ஐஸ்வர்யா ராஜேசின் சினிமா வாழ்க்கையிலும் உண்மை என நிரூபணமானது. ரம்மி படத்தில் விஜய்சேதுபதியுடன் நடித்த பிறகு சினிமா வாட்டாரங்களில் பிரபலமானார். அதிர்ஷ்டம் அவரது வாழ்க்கையிலும் ரம்மி அடித்தது. அதன் பின்னர் காக்கா முட்டை அவரது நடிப்புத் திறமையை உலகிற்குக் காட்டியது. தர்மதுரை முன்னணி கதாநாயகிகளுள் ஒருவராக்கியது. அதன்பின்னர், செக்க சிவந்த வானம், வட சென்னை, கனா, வானம் கொட்டட்டும் என முன்னணி இயக்குநர்களின் கதாநாயகி ஆகினார் ஐஸ்வர்யா ராஜேஸ்.

கேரவன் கூட இருந்ததில்லை

ஆரம்ப காலங்களில் நடிக்க வந்த போது, லொகேசன்களில் தண்ணி கூட குடிக்க மாட்டேன். காரணம் அந்த சமயங்களில் நான் பெரிய ஹீரோயின் இல்லாததால் கேரவன் போன்ற வசதிகளெல்லாம் செய்து தரமாட்டார்கள். அதனால் தண்ணீர் குடிக்காமல் தாகத்தைக் கட்டுப்படுத்திக் கொள்வேன். பண்ணையாரும் பத்மினி திரைப்படத்தில் தான் முதன் முதலாக கேரவன் கொடுத்தார்கள் என ஐஸ்வர்யா பேட்டி ஒன்றில் மனம் திறந்து தெரிவித்திருந்தார்.

சுழல் : தி வோர்டெக்ஸ்

சுழல்: தி வோர்டெக்ஸ் என்ற புதிய வெப்சீரிஸ் ஒன்றில் முக்கியக் கதாப்பாத்திரத்தில் நடித்திருக்கிறார் ஐஸ்வர்யா. அமேசான் பிரைமில் வெளியாகவிருக்கும் அந்த வெப்சீரின் டிரெய்லர் தற்போது யூடியூப்பில் வெளியாகியிருக்கிறது. டிரெய்லர் பார்ப்பதற்கே மிரட்டலாகவும், நல்ல கதையம்சம் கொண்டதாகவும் தெரிவதால் சினிமா வட்டாரங்களில் பெரிய எதிர்பார்ப்பை ஏற்படுத்தியிருக்கிறது. சுழலில் ஐஸ்வர்யாவுடன் இயக்குநர் பார்த்திபன், கதிர் ஆகியோர் முக்கியக் கதாப்பாத்திரங்களில் நடித்திருக்கின்றனர். ஜூன் 17 -ம் தேதி முதல் இந்த வெப்சீரிஸ் அமேசான் பிரைமில் ஒளியேறவிருக்கிறது. புஸ்கர் காயத்திரி தயாரிக்க, பிரம்மா அனுசந்திரன் எம் இயக்கியிருக்கிறார்கள்.