Click it and Unblock the Notifications
ஹாரிபாட்டர் நடிகருக்கு 'ஸ்வைன் ப்ளூ'
ஜே.கே.ரவுலிங்கின் நாவல்களின் அடிப்படையி்ல எடுக்கப்பட்ட ஹாரிபாட்டர் திரைபடங்கள் உலக திரைப்பட வரலாற்றில் இல்லாத வகையில் பெரும் சாதனைகளை படைத்து வருகிறது. நடுத்தர குடும்பத்தை சேர்ந்தவராக இருந்த ரவுலிங் இதன்மூலம் பெரும் பணக்காரராக ஆகிவிட்டார்.
இந்நிலையில் இப்படத்தின் கதாநாயகன் ஹாரிபாட்டரின் நண்பனாக ரான் வெஸ்லி என்ற பாத்திரத்தில் நடித்து வரும் ரூபர்ட் கிரின்ட் (20) என்பவருக்கு ஸ்வைன் ப்ளூ இருப்பது உறுதி செய்யப்பட்டுள்ளது.
இவர் வரும் 15ம் தேதி ஹாரிபாட்டர் வரிசையில் அடுத்து வெளியாக இருக்கும் ஆறாவது படமான ஹாரிபாட்டர் அன்ட் த ஹால்ப் பிளட் பிரின்ஸ் என்ற படத்திலும் நடித்துள்ளார்.
இது குறித்து அவரின் செய்தி தொடர்பாளர் கூறுகையில், அவருக்கு ஸ்வைன் ப்ளூ இருப்பது உண்மை தான். தற்போது அவர் நன்றாக தேறி வருகிறார். முழுமையாக குணமடைந்து நாளை லண்டனில் நடக்கவிருக்கும் ஹாரிபட்டர் அன்ட் த ஹால்ப் பிளட் ரின்ஸ் படத்தின் பிரிமியர் ஷோவில் அவர் கலந்து கொள்வார் என்றார்.
இந்தியாவில் 136 பேருக்கு...
இந்நிலையில் இன்று தாய்லாந்தில் இருந்து டெல்லி வந்த கணவன், மனைவிக்கு ஸ்வைன் ப்ளூ இருப்பது உறுதி செய்யப்பட்டுள்ளது. அவர்கள் பஞ்சாப் மாநிலம் ஜலந்தரை சேர்ந்த குல்வந்த் சிங், அனிதா கல்ரா என தெரிவிக்கப்பட்டுள்ளது.
இதையடுத்து இந்தியாவில் ஸ்வைன் ப்ளூவால் தாக்கப்பட்டவர்களின் எண்ணிக்கை 136 ஆக உயர்ந்துள்ளது.
இவர்களில் 99 பேர் சிகிச்சை முடிந்து வீடு திரும்பிவிட்டனர்.
Continue with Google