Click it and Unblock the Notifications
படேலை 'விரட்டிய' ஷரோன்!
ஸ்லம்டாக் மில்லியனர் படம் சர்வதேச அளவில் விருதுகளை அள்ளி வருகிறது. சமீபத்தில் பாஃப்டா விருதுகளை அள்ளியது.
பாஃப்டா விருது வழங்கும் விழாவின்போது தேவ் படேலுக்கு ஒரு ஆச்சரியம் காத்திருந்தது. அவர் விருந்து நிகழ்ச்சியில் கூச்சத்துடன் அங்கும் இங்கும் போய்க் கொண்டிருந்திருக்கிறார்.
அப்போது அவரை பார்த்து விட்டார் ஷரோன். தன்னுடன் பேசிக் கொண்டிருந்த ஹாலிவுட் நடிகர் மிக்கி ரூர்க்கை விட்டு விட்டு நேராக படேலிடம் வந்தார் ஷரோன்.
ஹாய் என்று கூறியபடி, ஸ்லம்டாக் படத்தில் மிக அழகாக தோன்றினாய் என்று கூறி வாழ்த்தியுள்ளார். ஷரோன் தன்னிடம் வந்து பேசுவார் என்பதை எதிர்பார்க்காத படேல் ஆச்சரியமடைந்து போய் தேங்க்ஸ் என்று ஒற்றை வார்த்தையுடன் நிறுத்திக் கொண்டார்.
ஆனால் ஷரோன் விடவில்லையாம். தொடர்ரந்து படேலிடம் பேசிக் கொண்டிருந்திருக்கிறார். அத்தோடு விருந்து நிகழ்ச்சி முடியும் வரை அதாவது விடிய விடிய படேலையே வலம் வந்தாராம் ஷரோன்.
இதுகுறித்து படேல் கூறுகையில், ஷரோன் கிரேட். இரவு முழுவதும் என்னிடம் பேசிக் கொண்டிருந்தார். என்னையே சுற்றிச் சுற்றி வந்தார். என்னிடம் அன்பாக பேசினார், செல்லமாக அடித்தார் என்கிறார் படேல்.
ஷரோன், படேலை விரட்டி விரட்டிப் பேசியதைப் பார்த்த விழாவுக்கு வந்திருந்த ஒருவர், படேல், ஷரோனின் மகன் வயதில் இருக்கலாம். ஏன் பேரன் வயதாகக் கூட இருக்கும். ஆனால் ஷரோன் கண்ணில் அது படவில்லை. படேலிடம் அவர் வழிந்து வழிந்து பேசினார் என்றார்.
ஷரோனிடம், 'சிக்கி' படேல் தவித்துக் கொண்டிருந்ததை தூரத்தில் இருந்தபடி மிக்கி ரூர்க் ரசித்துக் கொண்டிருந்தாராம்.
Continue with Google