ஸ்டீவ் ஜாப்ஸ் வாழ்க்கையை சினிமாவாக தயாரிக்கும் சோனி நிறுவனம்!

Hollywood

oi-Shankar

By Shankar

| Published: Tuesday, October 11, 2011, 10:54 [IST]

தொழில்நுட்பத் துறையில் புதிய புரட்சியை ஏற்படுத்திய, ஆப்பிள் நிறுவனர் மறைந்த ஜாப்ஸின் வாழ்க்கை வரலாறு திரைப்படமாகிறது. இதற்கான உரிமையை சோனி நிறுவனம் பெறுகிறது.

தனது வாழ்க்கை வரலாற்றை வால்டர் ஐசக்சன் உதவியுடன் எழுதியிருந்தார் ஸ்டீவ் ஜாப்ஸ். இந்த சுயசரிதைக்கு முதலில் ஐ ஸ்டீவ் என்று பெயர் வைத்தவர்கள், இப்போது ஸ்டீவ் ஜாப்ஸ் என்று மாற்றியுள்ளனர்.

சைமன் அன்ட் ஸ்குஸ்டர் நிறுவனம் நவம்பர் 21-ம்தேதி இந்த புத்தகத்தை வெளியிடுகிறது. புத்தகத்தின் விலை 17.99 டாலர்கள் என நிர்ணயிக்கப்பட்டுள்ளது. மின் புத்தகத்துக்கு 16.99 டாலர் என நிர்ணயிக்கப்பட்டுள்ளது.

இதற்கிடையே, ஜாப்ஸ் சுயசரிதையை திரைப்படமாக வெளியிட சோனி பிக்சர்ஸ் நிறுவனம் விருப்பம் தெரிவித்துள்ளது. இதற்கான உரிமம் பெறுவது தொடர்பாக இந்நிறுவனம் பேச்சு நடத்தி வருகிறது. உரிமத் தொகையாக 1 மில்லியன் டாலர் தர இந்நிறுவனம் முன்வந்துள்ளது.