பொறாமைக்குரிய 'பாடி'-மேகான் பாக்ஸ்!

By Staff

| Published: Thursday, July 16, 2009, 10:21 [IST]

மேகான் பாக்ஸின் பெருமைப் பெட்டியில் இன்னும் ஒன்று புதிதாக சேர்ந்துள்ளது. அது 2009ம் ஆண்டின் மிகவும் பொறாமைக்குரிய உடலமைப்பைக் கொண்டவர் என்பதுதான்.

ஹீட் என்ற இதழ் இந்த கணக்கெடுப்பை எடுத்து வெளியிட்டுள்ளது.

அதில், 2009ம் ஆண்டில் அனைவராலும் மிகவும் பொறாமைப்படும்படியான உடலமைப்பைக் கொண்ட பெண்களில் மேகான் பாக்ஸ்தான் முதலிடத்தைப் பிடித்துள்ளாராம்.

இதுகுறித்து ஹீட் இதழின் ஆசிரியர் ஜூலியன் லின்லே கூறுகையில், ஆண்கள் மத்தியில் மேகான் பாக்ஸுக்கு பெரும் கிராக்கி இருப்பது அனைவரும் அறிந்ததுதான். ஆனால், அனைவராலும் பொறாமைப்படும்படியான உடலமைப்பைக் கொண்டவர்கள் பட்டியலில் அவருக்கு முதலிடம் கிடைத்திருப்பது வியப்புக்குரியது என்றார்.

இருக்காதா பின்னே, மேகானைப் பார்த்து ஏஞ்செலீனா ஜூலியே குலைநடுங்கிப் போய்க் கிடக்கிறாரே. இந்தப் பட்டியலில் ஜூலிக்கு 5வது இடம்தான் கிடைத்துள்ளதாம்.

முதல் பத்து இடங்களைப் பிடித்த முத்தான அழகிகள்..

1. மேகான் பாக்ஸ்.
2. செரில் கோல்
3. கெல்லி ப்ரூக்.
4. பியான்ஸ் நோல்ஸ்
5. ஏஞ்செலீனா ஜூலி
6. ஜெனீபர் அனிஸ்டன்
7. ஜெசிகா ஆல்பா
8. ஜெனீபர் லோபஸ்
9. கேத்தி பிரிஸ்
10. ரிஹானா