ரஜினியின் 2.ஓ... முதல் முறையாக ஹாலிவுட்டில் தொடங்கியது தமிழ்ப் பட புரமோஷன்!

விளம்பரங்கள் ஆரம்பம்

2.ஓ படத்தின் புரமோஷன் வேலைகளை படம் வெளியாவதற்கு இன்னும் 7 மாதங்கள் இருக்கும் நிலையில் தொடங்கியுள்ளது லைகா.

உலகப் பயணம்

2.ஓ படத்தை உலகெங்கும் 100-க்கும் அதிகமான நாடுகளில் வெளியிடவிருப்பதால், உலகம் முழுவதும் பயணம் செய்து விளம்பரப்படுத்தத் திட்டமிட்டுள்ளனர். இதனை லைகா நிர்வாகி ராஜு மகாலிங்கம் அறிவித்துள்ளார்.

ஹாட் ஹேர் பலூன்

அடுத்து ஹாலிவுட்டில் மிகப் பிரமாண்டமான ஒரு ஹாட் ஹேர் பலூனை பறக்க விட்டுள்ளனர். அதில் ரஜினி - அக்ஷய் குமார் படங்கள் இடம்பெற்றுள்ளன.

முதல் முறை

ஒரு தமிழ்ப் படத்தின் விளம்பரம் இத்தனை பிரமாண்டமாக ஹாலிவுட்டில் வைக்கப்படுவது இதுவே முதல் முறை. கபாலிக்கு செய்த விளம்பரங்களை விட பல மடங்கு அதிகமாக இந்தப் படத்துக்கு செய்வார்கள் என்பதைச் சொல்லாமல் சொல்கிறது இந்த விளம்பரம்.