சிறந்த கட்டுடல் கொண்ட நாயகியாக ஜெனிபர் அனிஸ்டன் தேர்வு

By Sudha

| Published: Monday, October 25, 2010, 14:08 [IST]

சிறந்த உடலமைப்புடன் கூடியவராக ஹாலிவுட் நடிகை ஜெனிபர் அனிஸ்டன் தேர்வு செய்யப்பட்டுள்ளார்.

சிறந்த முக அமைப்பு, சிறந்த சிரிப்பு, சிறந்த அழகி, சிறந்த கால் அழகி, சிறந்த அசிங்கமான முகம் என்று ஏகப்பட்ட சர்வேக்களையும், கருத்துக் கணிப்புளையும் நடத்துவது மேற்கில் சகஜம். அந்த வரிசையில் தற்போது சிறந்த உடல் கட்டுடைய அழகி யார் என்பதை ஒரு கருத்துக் கணிப்பு நடத்தி முடிவை அறிவித்துள்ளனர்.

இதில் ஹாலிவுட் நடிகை ஜெனிபர் அனிஸ்டன் முதலிடத்தைப் பிடித்து சிறந்த கட்டுடல் நாயகியாக உருவெடுத்துள்ளார். மொத்த வாக்குகளில் மூன்றில் ஒரு பங்கு ஓட்டை இவர் பெற்றுள்ளார்.

35 வயது முதல் 50 வயதுக்குட்பட்டோர் இந்த கருத்துக் கணிப்பில் கலந்து கொண்டனர். இக்கணிப்பில், மர்லின் மன்றோ, செரில் கோல், ஹாலி பெர்ரி ஆகியோர் எல்லாம் ஜெனிபருக்குப் பின்னால்தான் வந்துள்ளனர்.

தனது உடலை சிறப்பாக கவனித்துக் கொள்வதும், பாரமரிப்பதுமே ஜெனிபருக்கு சிறந்த உடல் கட்டு இருப்பதாக பலரும் தெரிவித்துள்ளனர்.