Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Automobiles டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
'டார்ஜான்' நாயகன் டென்னிமில்லர் காலமானார்
வாஷிங்டன்: டார்ஜான் பட நாயகனான பிரபல ஹாலிவுட் நடிகர் டென்னிமில்லர் காலமானார். அவருக்கு வயது 80.
அமெரிக்காவைச் சேர்ந்த பிரபல ஹாலிவுட் நடிகர் டென்னிமில்லர். இவர் நாயகனாக நடித்த டார்ஜான் படம் வெற்றி பெற்றதையடுத்து டென்னி பிரபலமடைந்தார்.
6 அடி 4 அங்குல உயரத்தில் ஆஜானுபாகு தோற்றம் கொண்ட டென்னி, உடற்கல்வியில் தேர்ச்சி பெற்றவர். இவர் 1950ம் ஆண்டு வாக்கில் கூடைப் பந்து வீரராக திகழ்ந்தார். அதனைத் தொடர்ந்து 1959-ம் ஆண்டில் ‘தி ஏப் மேன்' என்ற படத்தில் டார்ஜான் வேடமேற்று நடித்தார்.
இப்படம் கடந்த 1932-ம் ஆண்டில் ஒலிம்பிக் தங்கப்பதக்க வீரர் ஜான்னி வெயிஸ் மில்லர் நடித்த படத்தின் ‘ரீமேக்' ஆகும். இவை தவிர ‘தி பார்ட்டி' என்ற காமெடி படத்திலும் டென்னி நடித்துள்ளார்.
வயது முதிர்வின் காரணமாக சமீபகாலமாக உடல்நலக் கோளாறால் அவதிப்பட்டு வந்தார் டென்னி. இந்நிலையில், கடந்த ஜனவரி மாதம் டென்னிக்கு ஏ.எல்.எஸ் நோய்த் தாக்கம் ஏற்பட்டது. தற்போது இந்நோய் தொடர்பான விழிப்புணர்விற்காகவே ஐஸ்பக்கெட் சவால் நடத்தப்பட்டு வருவது குறிப்பிடத்தக்கது.
நோய்த் தாக்குதலைத் தொடர்ந்து லாஸ் வேகாஸ் மருத்துவமனையில் டென்னி, தொடர்ந்து அங்கு சிகிச்சைப் பெற்று வந்தார். இந்நிலையில், சிகிச்சைப் பலனின்றி டென்னி மரணமடைந்ததாக அதிகாரப்பூர்வமாக அறிவிக்கப்பட்டுள்ளது.
மரணமடைந்த டென்னி இதுவரை 237 தொலைக்காட்சித் தொடர்களிலும், 20க்கும் மேற்பட்ட படங்களிலும் நடித்துள்ளார். சிறந்த நடிகராக மட்டுமின்றி எழுத்தாளராகவும் திகழ்ந்தார் டென்னி.
டென்னியின் மரணத்திற்கு ஹாலிவுட் பிரபலங்கள் தங்களது இரங்கலைத் தெரிவித்துள்ளனர்.