Click it and Unblock the Notifications
ஜேம்ஸ்பாண்ட் 24... இன்று அதிகாரப்பூர்வமாக அறிவிக்கிறார்கள்!
ஆக்ஷன் பட ரசிகர்களின் ஆதர்ச நாயகன் ஜேம்ஸ் பாண்ட்டின் 24 வது படம் குறித்த அதிகாரப்பூர்வ அறிவிப்பு இன்று வெளியிடப்படுகிறது.
உலகம் முழுக்க ஏராளமான ரசிகர்களைக் கொண்ட பாத்திரம் ஜேம்ஸ்பாண்ட். ரோஜர் மூர், சீன் கானரி, பியர்ஸ் பிராஸ்னன் என பல புகழ்பெற்ற நடிகர்கள் ஜேம்ஸ் பாண்டாக வந்து மக்களின் மனங்களைக் கொள்ளையடித்துள்ளனர்.
இப்போது அந்த 'வேலையை'ச் செய்வர் டேனியல் க்ரெய்க். இதுவரை அவர் நடித்து மூன்று படங்கள் (கேசினோ ராயல், குவாண்டம் ஆப் சோலேஸ், ஸ்கைபால்) ஜேம்ஸ்பாண்ட் வரிசையில் வெளியாகியுள்ளன.
ஸ்கைபால் படம் வெளியாகி இரண்டு ஆண்டுகள் ஆகிவிட்டன. இரண்டாண்டு இடைவெளியில் வெளியாக வேண்டிய அடுத்த படம் குறித்து அதிகாரப்பூர்வ அறிவிப்பு எதுவும் இதுவரை வெளியிடாமல் இருந்து வந்தது சோனி நிறுவனம்.
ஹீரோ அதே டேனியல் க்ரெய்க். மற்றபடி படத்தின் தலைப்பு உள்ளிட்ட எந்த விவரங்களும் இதுவரை தெரியாமல் இருந்தது.
இன்று இந்த விவரங்களை அதிகாரப்பூர்வமாக அறிவிக்கப் போவதாக சோனி அறிவித்துள்ளது. ஜேம்ஸ்பாண்ட் வலைத் தளத்தின் இந்த அறிவிப்பு நிகழ்ச்சியை நேரடியாக ஒளிபரப்புவதாகம் அறிவித்துள்ளது சோனி நிறுவனம்.
Continue with Google