போதையில் பல் மருத்துவரை கத்தியால் குத்த வந்த ஹாலிவுட் நடிகர் சார்லி ஷீன்

லாஸ் ஏஞ்சல்ஸ்: ஹாலிவுட் நடிகர் சார்லி ஷீன் பல் மருத்துவரை கத்தியால் குத்த முயன்றுள்ளது குறித்து போலீசார் விசாரணை நடத்தியுள்ளனர்.

பிரபல ஹாலிவுட் நடிகர் சார்லி ஷீன்(49). அவர் அமெரிக்காவின் லாஸ் ஏஞ்சல்ஸ் நகரில் உள்ள பல் மருத்துவமனைக்கு சென்றார். அங்கு அவரை நாற்காலியில் அமர வைத்துள்ளார் மருத்துவமனை ஊழியர் ஒருவர். பின்னர் நைட்ரஸ் ஆக்சைடு கொடுப்பதற்காக அவர் சார்லியின் முகத்தில் மாஸ்க் போட்டுள்ளார்.

இதையடுத்து சார்லி கடுப்பாகி கத்தியை எடுத்து பல் மருத்துவரை மிரட்டியுள்ளார். மேலும் அவரை குத்துவது போன்றும் வந்துள்ளார். இதில் பல் மருத்துவர் பயந்துவிட்டார்.
அதிர்ஷ்டவசமாக மருத்துவருக்கு காயம் எதுவும் ஏற்படவில்லை.

சார்லி கொக்கைன் என்னும் போதைப் பொருளை பயன்படுத்திவிட்டு மருத்துவமனைக்கு சென்றுள்ளார். இந்த சம்பவம் பற்றி போலீசாருக்கு தகவல் தெரிவிக்கப்பட்டது. போலீசார் இது குறித்து சார்லியிடம் விசாரணை நடத்தியுள்ளனர்.