ஹாலிவுட்டை கலங்கடித்த கொரோனா.. ஒரே அடியா ரிலீஸ் தேதியை மாற்றிய படங்கள்.. நொந்துப்போன ரசிகர்கள்!

நஷ்டம்

கொரோனா வைரஸ் பாதிப்பால் மார்ச் மாதம் உலகம் முழுவதும் தியேட்டர்கள் மூடப்பட்டன. கடந்த மாதத்தில் ஹாலிவுட் தொடங்கி கோலிவுட் வரை கிட்டத்தட்ட 5000 கோடிக்கு மேல் திரைத் துறையினருக்கு லாஸ் ஏற்பட்டுள்ளதாக தகவல்கள் வெளியாகி உள்ளன. இந்தியாவில் மட்டும் 800 முதல் 1000 கோடி ரூபாய் இழப்பு ஏற்பட்டுள்ளது.

நோ டைம் டு டை

நாளை வெள்ளிக்கிழமை ஏப்ரல் 2ம் தேதி ரிலீசாகும் என அறிவிக்கப்பட்டு டீசர் எல்லாம் விடப்பட்ட ஜேம்ஸ்பாண்ட் படமான நோ டைம் டு டை படத்தின் ரிலீஸ் வரும் நவம்பர் மாதம் 12ம் தேதிக்கு தள்ளி வைக்கப்பட்டுள்ளது. ஜேம்ஸ்பாண்ட் படங்கள் உலகளவில் கலெக்‌ஷனை அள்ளும் என்பதால், நல்ல ஒரு ரிலீஸ் தேதியை பார்த்து ஃபிக்ஸ் செய்துள்ளனர்.

எஃப் 9

வரும் மே மாதம் வெளியாக வேண்டிய ஃபாஸ்ட் அண்ட் ஃபியூரியஸ் 9 திரைப்படம் கொரொனா வைரஸ் பாதிப்பு காரணமாக ஒரே அடியாக அடுத்த ஆண்டு ஏப்ரல் 2ம் தேதி ரிலீசாகும் என படக்குழு அறிவித்துள்ளது. இப்படி கிட்டத்தட்ட ஓராண்டுகளுக்கு ரிலீஸ் தேதியை தள்ளி வைத்தது எஃப் 9 ரசிகர்களை வருத்தமடைய செய்துள்ளது.

பிளாக் விடோ

கடந்த ஆண்டு ஏப்ரல் மாதம் மார்வெல் தயாரிப்பில் ரிலீசான அவெஞ்சர்ஸ் எண்ட்கேம் திரைப்படம் அவதார் பாக்ஸ் ஆஃபிஸை முறியடித்து உலகளவில் வசூலில் முதலிடத்தை பிடித்துள்ளது. இந்நிலையில், ஸ்கார்லெட் ஜோஹன்சன் நடிப்பில் உருவாகி உள்ள பிளாக் விடோ திரைப்படத்தை இந்த ஆண்டு மே 1ம் தேதி வெளியிட திட்டமிட்ட நிலையில், தற்போது தேதி குறிப்பிடாமல் தள்ளி வைத்துள்ளனர்.

மற்ற படங்கள்

மேலும், கொரோனா வைரஸ் பாதிப்பால் திரைக்கு வரவிருந்த வொண்டர் உமன், லிட்டில் மெர்மெய்டு, பீட்டர் பான், ஹோம் அலோன் மற்றும் ஜுராசிக் வேர்ல்ட்: டொமினியன் உள்ளிட்ட திரைப்படங்களின் ரிலீஸ் தேதியும் இஷ்டத்துக்கு தள்ளி வைக்கப்பட்டுள்ளன. பல ஆயிரம் கோடிகளில் உருவாக்கப்பட்ட படங்கள் திட்டமிட்டபடி ரிலீஸ் ஆகவில்லை என்றால், அது ஹாலிவுட்டை மிகப்பெரிய அளவில் பாதிக்கும் என கணித்துள்ளனர்.