Click it and Unblock the Notifications
டெர்மினேட்டர் ஜெனிசிஸ்.. மீண்டும் மிரட்ட வரும் அர்னால்ட் ஸ்வார்ஷநெக்கர்
அர்னால்ட் ஸ்வார்ஷநெக்கர் மற்றும் டெர்மினேட்டர்... சர்வதேச அளவில் மொழிகளைக் கடந்து அதிக அளவில் ரசிக்கப்பட்ட நாயகன் மற்றும் திரைப்படம் இது என்றால் மிகையல்ல.
டெர்மினேட்டரில் டி 500 மற்றும் ஜட்ஜ்மென்ட் டேயல் டி 550 ரோபாவாக வந்து ரசிகர்கள் மனதில் நிரந்தரமாக அமர்ந்த அர்னால்ட், பல ஆண்டு இடைவெளிக்குப் பிறகு மீண்டும் அதே ரோபோவாக வருகிறார். இந்த முறை அதி சக்தி பெற்ற டி 1000 ரோபாவாக!
ஆலன் டெய்லர் இயக்கும் இந்தப் படத்தின் போஸ்டர் மற்றும் முதல் டீசர் நேற்று வெளியானது. இன்னும் 15 மணி நேரத்தில் படத்தின் முதல் ட்ரைலர் வெளியாகவிருக்கிறது.
இந்தப் படத்தில் அர்னால்டுடன் எமிலா க்ளார்க் (சாரா கன்னோர்), ஜாசன் க்ளார்க் (ஜான் கன்னோர்), ஜெய் கர்ட்னி ஆகியோர் இடம் பெறுகிறார்கள்.
வரும் ஜூலை 2015-ல் இந்தப் படத்தை வெளியிடத் திட்டமிட்டுள்ளது பாரமவுன்ட் பிக்சர்ஸ் நிறுவனம்.
டெர்மினேட்டர் வரிசையில் இதுவரை நான்கு படங்கள் வெளியாகியுள்ளன. அவற்றில் மூன்றில் அர்னால்ட் நாயகனாக நடித்துள்ளார். முதல் இரு டெர்மினேட்டர்களை ஜேம்ஸ் கேமரூன் இயக்கினார்.
Continue with Google