“Halloween Kills“… ஆன்லைன் மற்றும் திரையரங்கில் ஒரே நேரத்தில் ரிலீஸ்!

ஹாலோவீன் கில்ஸ்

ஹாலோவீன் கில்ஸ் திரைப்படத்தை டேவிட் கார்டன் கிரீன் இயக்கி உள்ளார். டேனி மெக்பிரைட் மற்றும் ஸ்காட் டீம்ஸ் எழுதிய அமெரிக்க ஸ்லாஷர் திரைப்படமாகும். இந்த திரைப்படம் 2018ம் ஆண்டு வெளியான ஹாலோவீனின் தொடர்ச்சியாகும். இந்த படத்தில் ஜேமி லீ கர்டிஸ் மற்றும் நிக் கோட்டை ஆகியோர் நடிக்கிறார்கள்,

அக்டோபர் 15ந் தேதி

ஹாலோவீன் கில்ஸ் திரைப்படம் கடந்த ஆண்டே வெளியீட்டுக்கு தயாராக இருந்தது. கொரோனா தொற்றுநோய் காரணமாக மூன்று முறை படம் வெளியாவது ஒத்திவைக்கப்பட்டது. இதையடுத்து, இந்த படம் அமெரிக்காவில் அக்டோபர் 15ந் தேதி திரையரங்கில் வெளியாகும் என்று படக்குழு அறிவித்து இருந்தது.

ஒரே நாளில்

இந்நிலையில், ஹாலோவீன் கில்ஸ் திரைப்படம் திட்டமிட்டபடி அக்டோபர் 15ந் தேதி, ஒரே நேரத்தில் தியேட்டரிலும் ஆன்லைனிலும் வெளியாகும் என்று படக்குழு அறிவித்துள்ளது. 2020ம் ஆண்டு வெளியீட்டுக்கு தயாராக இருந்த இந்த திரைப்படம் 3 முறை ரிலீஸ் தேதி அறிவித்தும் வெளியாகவில்லை இதனால், இந்த முடிவை படக்குழு எடுத்துள்ளது.

முன்னணி நடிகர்கள்

க்ரீன், டேனி மெக்பிரைட் மற்றும் ஸ்காட் டீம்ஸ் ஆகியோரால் எழுதப்பட்ட இந்த படத்தில் மீண்டும் ஒரு புகழ் பெற்ற கதாநாயகி லாரி ஸ்ட்ரோடாக மூத்த நட்சத்திரம் ஜேமி லீ கர்டிஸ் இப்படத்தில் நடித்துள்ளார். அதே நேரத்தில் நிக் கோட்டை கொலையாளி மைக்கேல் மியர்ஸாக வருகிறார். இதற்கு அனிமேஷன் செய்யப்பட்ட குழந்தைகள் திரைப்படமான 'தி பாஸ் பேபி: ஃபேமிலி பிசினஸ்' ஐ ஒரே நேரத்தில் தியேட்டர்களிலும் ஆன்லைனிலும் வெளியிடப்பட்டது குறிப்பிடத்தக்கது.