திருமணம் ஆகாமலே அப்பாவாகப் போகும் ஹாரி பாட்டர் ஹீரோ.. காதலியுடன் லிவிங் டுகெதர் வாழ்க்கை!

12 வயதில் ஹீரோ

1989ம் ஆண்டு ஜூலை 23ம் தேதி பிறந்த டேனியல் ராட்க்ளிஃப் தனது 11 வயதிலேயே ஹாரி பாட்டர் படத்தில் நடிக்க ஆரம்பித்து விட்டார். 2011ம் ஆண்டு தனது 12ம் வயதில் வெளியான ஹாரி பாட்டர் முதல் பாகத்தில் அவர் தான் ஹீரோ. தொடர்ந்து ஹாரி பாட்டர் சீரிஸின் 8 பாகங்களில் நடித்துக் கொண்டே வாலிபனாக வளர ஆரம்பித்த அவர் தற்போது காதலியுடன் லிவிங் டுகெதரில் உள்ளார்.

10 வருஷமா லிவிங் டுகெதர்

23 வயதிலேயே எரின் டார்க் எனும் நடிகையுடன் காதலில் விழுந்த ஹாரி பாட்டர் ஹீரோ கடந்த 10 ஆண்டுகளாக தனது காதலியுடன் தனி வீட்டில் லிவிங் டுகெதர் வாழ்க்கையை வாழ்ந்து வருகிறார். 2013ம் ஆண்டு வெளியான கில் யுவர் டார்லிங்ஸ் படத்தில் இணைந்து நடித்ததில் இருவரும் காதல் வயப்பட்டனர் என்பது குறிப்பிடத்தக்கது. தொடர்ந்து மேலும், சில படங்களிலும் இருவரும் இணைந்து நடித்துள்ளனர்.

காதலி கர்ப்பம்

திருமணம் ஆகாமல் கிட்டத்தட்ட 10 ஆண்டுகள் ஒன்றாக காதலியுடன் வாழ்ந்து வரும் டேனியல் ராட்க்ளிஃப் சமீபத்தில் தான் குழந்தை பெற்றுக் கொள்ளும் முடிவை தனது காதலியுடன் சேர்ந்து எடுத்திருக்கிறார். இந்நிலையில், சில மாதங்களாக தனது காதலி கர்ப்பமாக இருக்கிறார் என்கிற சந்தோஷ செய்தியை ஹாரி பாட்டர் நடிகர் தரப்பு அதிகாரப்பூர்வமாக அறிவித்துள்ளது.

அப்பா ஆகப்போகும் ஹாரி பாட்டர் நடிகர்

ஹாரி பாட்டர் நடிகர் டேனியல் ராட்க்ளிஃப்புக்கு தற்போது 33 வயதாகிறது. கூடிய சீக்கிரமே தான் அப்பாவாகப் போகிறேன் என்கிற சந்தோஷ அறிவிப்பை வெளியிட்டுள்ளார். குழந்தைப் பெற்றுக் கொள்வதும் அதனை வளர்ப்பதும் தனக்கு ரொம்பவே பிடித்தமான விஷயம் என்றும் இப்போது தான் அதற்கான நேரம் அமைந்துள்ளது என டேனியல் ராட்க்ளிஃப் கூறியுள்ளார்.

ரசிகர்கள் வாழ்த்து

ஹாரி பாட்டர் ஹீரோ டேனியல் க்ளிஃப் விரைவில் அப்பாவாகப் போகும் செய்தியறிந்த அவரது ரசிகர்கள் டேடி டேனியல் என ஹாஷ்டேக் போட்டு அவருக்கு சமூக வலைதளங்கள் மூலம் வாழ்த்துக்களை தெரிவித்து வருகின்றனர். குழந்தை பிறப்பதற்கு முன்னதாக தனது காதலியை திருமணம் செய்து கொள்ளவும் டேனியல் முடிவெடுத்து இருப்பதாக தகவல்கள் வெளியாகி உள்ளன.