படவிழாவுக்கு பாவாடை அணிந்து வந்த பிரபல நடிகர்..விழுந்து விழுந்து சிரிக்கும் ரசிகர்கள்!

புல்லட் ட்ரெயின்

டேவிட் லீட்ச் இயக்கத்தில் உருவாகி உள்ள புல்லட் ட்ரெயின் திரைப்படம் இந்த ஆண்டின் மிகவும் எதிர்பார்க்கப்பட்ட படங்களில் ஒன்றாகும். இப்படத்தில் பிராட் பிட், ஜோய் கிங், ஆரோன் டெய்லர், ஜான்சன் மற்றும் பலரின் நட்சத்திரங்கள் நடித்துள்ளனர். இப்படத்தின் அதிரடியான டிரைலர்கள் பார்வையாளர்களிடம் மிகுந்த வரவேற்பை பெற்றது. புல்லட் ட்ரெயின் திரைப்படம் ஆகஸ்ட் 5ந் தேதி உலகம் முழுவதும் திரையரங்கில் வெளியாக உள்ளது.

குட்டி பாவாடை

இந்நிலையில், புல்லட் ட்ரெயின் திரைப்படத்தின் ப்ரோமோஷன் நிகழ்ச்சி லாஸ் ஏஞ்சல்ஸில் சிவப்பு கம்பளத்தில் நடைபெற்றது. இந்த நிகழ்ச்சியில் கலந்து கொண்ட நடிகர் பிராட் பிட், பழுப்பு நிறத்தில் கால் முட்டி தெரியும் அளவுக்கு ஒரு குட்டி பாவாடை அணிந்திருந்தார். மேலும் அதற்கு தகுந்தபடி பூட்ஸுடன் கூலாக நடந்து வந்து அனைவரையும் சிரிப்பில் ஆழ்த்தினார்.

காற்றோட்டாக உள்ளது

இந்த உடையை பார்த்து அனைவரும் ஆச்சரியம் அடைந்த போது, லண்டனில் நாளுக்கு நாள் வெப்பம் அதிகரித்து வருகிறது. இந்த வாரம் லண்டனின் வெப்பநிலை 40 டிகிரி வரை உயர்ந்துள்ளது. இதனால், இந்த உடை மிகவும் காற்றோட்டமாக உள்ளது ஆண்கள் அனைவரும் இதைப்பயன்படுத்திப்பாருங்கள் என்றார். மேலும், பேசிய அவர், நாம் அனைவரும் ஒருநாள் சாகப்போகிறோம், அதனால் எதையாவது வித்தியாசமாக செய்வோம் என்றும் கூறியுள்ளார். இணையத்தில் பிராட் பிட்டின் புகைப்படம் வைரலாகி வருகிறது.

மிகப்பெரிய படம்

நடிகர் பிராட் பிட் முக்கிய வேடத்தில் நடித்துள்ள புல்லட் ட்ரெயின் திரைப்படம் 90 மில்லியன் அமெரிக்க டாலர் பட்ஜெட்டில் உருவாகி உள்ளது. இந்த படம் மிகப் பெரிய எதிர்பார்ப்பை ஏற்படுத்தியுள்ளது என்பது குறிப்பிடத்தக்கது. இந்த படம் ஜப்பானிய நாவல் ஒன்றை அடிப்படையாக வைத்து உருவாக்கப்பட்டது என்பதும், ஜப்பானிய மொழியிலும் இந்த படம் ரிலீஸாக உள்ளது என்பது குறிப்பிடத்தக்கது.