சின்டி கிராப்போர்.. உலகின் முன்னணி மாடல் மட்டுமல்ல!

14 வருட மணவாழ்க்கை

ராண்டி ஜெர்பருடன் தான் வெற்றிகரமாக வாழ்த்தை நடத்தி வருவது குறித்து மனம் திறந்து பேசியுள்ளார் சிண்டி. 47 வயதான சிண்டிக்கு, பிரெஸ்லி என்ற 13 வயது மகனும், கையா என்ற 11 வயதுக் குழந்தையும் உள்ளனர்.

மணம் திறந்த வாக்குமூலம்

ஓப்ரா வின்பிரேயின் மாஸ்டர் கிளாஸ் நிகழ்ச்சியில் கலந்து கொண்டு சிண்டி இதுகுறித்துக் கூறுகையில்,

நானும், ராண்டியும் நண்பர்களாகத்தான் முதலில் பழகினோம். அதைத் தாண்டி இருவருமே யோசிக்கவில்லை. ஆனால் நட்பு ஆழமானபோது அது காதலாக மாறியது, உறவில் முடிந்தது. இருவரும் இந்த நிமிடம் வரை ஆழமாக நேசிக்கிறோம்.

காதலுடன் இருக்கிறோம்

எங்களுக்குள் எந்த விரிசலும் இல்லை. ஒரு பத்திரிக்கை சமீபத்தில் அப்படி செய்தி போட்டது. ஆனால் அது தவறு. இருவரும் நட்பாக, அன்பாக, காதலுடன் இருக்கிறோம்.

எங்களுக்கும் ஊடல் வரும்

இருவரும் ஒருவரை ஒருவர் மதிக்கிறோம். எனக்கு ராண்டியின் நட்பு காலாகாலத்திற்கும் தேவை.

எங்களுக்குள்ளும் ஊடல்கள் வந்துள்ளன. ஆனால் அது சூரியனைக் கண்ட பனி போல. உடனே போய் விடும் என்றார் சிண்டி.

இவர் 2 வது கணவர்தான்

சிண்டிக்கு ராண்டி முதல் கணவர் அல்ல, 2வது கணவர்தான். 1991ம் ஆண்டு ரிச்சர்ட் கெரேவை மணந்து, 95 வரை அவரது மனைவியாக இருந்தவர் சிண்டி என்பது நினைவிருக்கலாம்.