நான் ஓரினச் சேர்க்கையாளன் அல்ல..: ஹாலிவுட் நடிகர் ஹ்யூ ஜாக்மேன்!

சிட்னி: தாம் ஒரு ஓரினச் சேர்க்கையாளரா என்று கேட்கப்படும் கேள்விகளால் தாம் விரக்தி அடைந்திருப்பதாக ஹாலிவுட் நடிகர் ஹ்யூ ஜாக்மேன் வருத்தத்தை தெரிவித்துள்ளார்.

ஆஸ்திரேலியா தொலைக்காட்சி ஒன்றுக்கு அளித்த நேர்காணலில் மனைவி டிபோர்ரா லீயுடன் பங்கேற்ற ஜாக்மேன், தம்மைப் பற்றிய வதந்திகள் மிகவும் பாதிப்பை ஏற்படுத்தி இருக்கிறது என்று கூறினார்.

மனைவி டிபோர்ரா கூறுகையில், அவர் ஓரினச் சேர்க்கையாளர் எனில் நல்லது.. அவரே அதை சொல்லுவார்.. ஆனால் உண்மையில்லாத ஒன்றைப் பற்றி தொடர்ந்து பேசுவது சரியில்லை என்றார்.

இது தற்போதுதான் பேசப்படுகிற விவகாரமும் அல்ல.. கடந்த பிப்ரவரி மாதமே ஜாக்மேன் ஒரு ஓரினச் சேர்க்கையாளர் என்று தகவல்கள் பரவி இருந்தன என்பது குறிப்பிடத்தக்கது.