முகப்பு

ஹாலிவுட்

வாஷிங்டன்: பிரபல ஹாலிவுட் நகைச்சுவை நடிகரான 77 வயது பில் கோஸ்பி மீது பிரபல மாடல் அழகியும் நடிகையுமான ஜேன்ச் டிக்கின்சன் ( 59) போதை பொருள் வழங்கி கற்பழித்ததாக கூறி உள்ளார்.

அவர் அளித்துள்ள பேட்டி ஒன்றில் , 1982ம் ஆண்டு கோஸ்பி தனது, 'தி கோஸ்மி ஷோ' குறித்து பேச என்னை விருந்துக்கு அழைத்தார் கலிபோர்னியா, லேக் டாகு, பகுதியில் உள்ள பகுதியில் இந்த சந்திப்பு நடந்தது.

அப்போது அவர் எனக்கு அளித்த மது கோப்பையில் போதை மாத்திரையை கலந்து விட்டார். மறுநாள் காலை தான் எனக்கு நினைவு திரும்பியது.நான் எழுந்து பார்த்தால் நான் எனது பைஜாமாவை அணிந்து இருக்கவில்லை. கோஸ்பியால் நான் பாலியல் பலாத்காரத்திற்கு உட்பட்டு இருப்பது தெரியவந்தது. காலையில் எனக்கு அதிக வலி இருந்தது என கூறி உள்ளார்,

2002ம் ஆண்டு எனது சுய சரிதையில் என் மீது நடந்த பாலியல் துஷ்பிரயோகம் குறித்து எழுதினேன். ஆனால் கோஸ்பியும் அவரது வக்கீலும் தலையிட்டு அந்த தகவலை புத்தகத்தில் இருந்து எடுத்து விட்டனர் என்று கூறியுள்ளார்.

சில ஆண்டுகளுக்கு முன்பு கோஸ்பி மீது 2 அழகிகள் பலாத்கார புகார் கூறி இருந்தனர். கோஸ்பி இந்த குற்றசாட்டுகளை எல்லாம் மறுத்தார். இதற்குரிய சட்ட நடவடிக்கைகளை 2006ம் ஆண்டில்தான் முடித்தார். இது குறித்து கோஸ்பியின் வக்கீல் ஜான் பி ஸ்கிமிட் கூறும் போது திரும்ப திரும்ப இதே குற்றசாட்டுகள் தான் வருகிறது இவைகள் எல்லாம் உண்மையல்ல என கூறினார்.