புறப்பட்டார் 'புலிப் பாண்டியம்மா'... பெண் டார்ஜானாக சீறிப் பாய வருகிறார் கேத்தி பெர்ரி...!

கலக்க வரும் காட்டு ராணி...

ரோர் என்ற பாடலைக் கொண்ட ஒரு வீடியோ ஆல்பத்தை உருவாக்கியுள்ளார் கேத்தி. இந்தப் பாடலில் அவர் காட்டு ராணியாக, அதாவது பெண் டார்ஜானாக தோற்றம் தருகிறார்.

தாவியும்.. உறுமியும்...

மரங்களுக்கு இடையே தாவியாடியும், புலியைப் போல உறுமியும் அசத்தியுள்ளார் கேத்தி.

யானை நகத்திற்கு 'பெயிண்ட்' அடித்து..

இந்த வீடியோவில் வரும் காட்சிகளில் சிலிர்க்க வைக்கிறார் புலித்தோல் உடையில் காட்சி தரும் கேத்தி. யானையின் நகத்திற்கு நெய்ல் பாலிஷ் போடுகிறார், புலியுடன் சண்டை போடுகிறார்.

முதலையுடன் சண்டை

அது மட்டுமா.. முதலையுடன் சண்டை போடுகிறார், குரங்குடன் நட்பு பிடிக்கிறார்... டார்ஜானுக்குப் போட்டியாக பின்னி எடுத்திருக்கிறார் இந்தப் பாடலுக்காக கேத்தி.

பழகிப் பார்த்துத்தான்....

இந்த வீடியோவில் வரும் விலங்குகள் எல்லாம் நன்கு பழக்கப்படுத்தப்பட்டவையாகும். இதில் வரும் குரங்குக்கு ரிப்ளி என்றே பெயர் வைத்துள்ளனராம்.

அக்டோபர் 22 முதல் ரோர்...

அக்டோபர் 22ம் தேதி இந்த ரோர் வீடியோ ஆல்பம் வெளியாகிறது.

யானைதான் எனக்குப் பிடிச்ச மிருகம்

இந்த வீடியோவில் வரும் விலங்குகளிலேயே அதில் நடித்த யானைதான் கேத்திக்கு ரொம்பப் பிடித்து விட்டதாம். அதற்கு சூசி என்று பெயர் வைத்தாராம் கேததி. ஏன் பிடிக்கும் என்றால்.. சூசி சாப்பிட ஆரம்பித்தால், நிறுத்தவே மாட்டாள் என்று கூறிச் சிரிக்கிறார்.

ஆமாங்க கேத்தி.. நீங்க கூட சிரிக்க ஆரம்பிச்சா நாங்களும் ரசிப்பதை நிறுத்தவே மாட்டோம்ல...!