ஓ.கே. குழந்தை பொறந்தாச்சு.. அடுத்து கல்யாணம் பணிக்கலாமா...?

நார்த் பாப்பா

கிம்முக்கு கடந்த வாரம் அழகான பெண் குழந்தை பிறன்தது. குழந்தைக்கு நார்த் என்று பெயரிட்டுள்ளனர் கிம்- கென்யே தம்பதியினர்.

அடுத்துத் திருமணம்

குழந்தைப் பேறைத் தொடர்ந்து அடுத்து கென்யேவைத் திருமணம் செய்ய முடிவெடுத்துள்ளாராம் கிம். விரைவில் இதுதொடர்பான முடிவை அறிவிக்கவுள்ளனராம்.

விரைவிலேயே

இதுகுறித்து கிம் தரப்பைச் சேர்ந்த ஒருவர் கூறுகையில், இருவரும் திருமண முடிவுக்கு வந்துள்ளனர். விரைவில் அது நடைபெறும் என்றார்.

கென்யேதான் புரபோஸ் செய்தார்

திருமணம் செய்து கொள்ளளாம் என்று கென்யேதான் கிம்மிடம் தெரிவித்தாராம். அதை கிம் ஏற்றுக் கொண்டதாக தெரிகிறது.

செப்டம்பரில்

அனேகமாக செப்டம்பர் மாதம் திருமணம் நடைபெறும் என்று தகவல்கள் கூறுகின்றன.

பாப்பா பக்கத்திலேயே எப்போதும்

கென்யேவும், கிம்மும் எப்போதும் குழந்தைக்கு அருகிலேயே உள்ளனராம். பாப்பாவைப் பார்த்துக் கொள்வதற்காக தங்களது வேலைகளை எல்லாம் கூட ஒத்தி வைத்து விட்டனராம்.

கிம்முக்கு 3வது இரண்டாவது கல்யாணம்

கிம்மைப் பொறுத்தவரை இது 3வது திருமணம். கடந்த ஆண்டு ஏப்ரல் மாதம்தான் தனது 2வது கணவரை விவாகரத்து செய்தார் என்பது நினைவிருக்கலாம்.

முதலில் டமோன்

2000மாவது ஆண்டு டமோன் தாமஸ் என்பவரை மணந்தார் கிம். இது 2004 வரை ஓடியது. பிறகு விவாகரத்து செய்தார்.

2011ல் 2வது கணவர்

2011ம் ஆண்டு கிறிஸ் ஹம்பிரிஸ் என்ற கூடைப் பந்து வீரரை 2வது திருமணம் செய்தார் கிம். இது 72 நாட்களிலேயே போண்டியாகி விட்டது. அதன் பின்னர் கென்யேவைக் காதலிக்க ஆரம்பித்தார் கிம்.

ஆனால் கென்யேவுக்கு இதுதான் பர்ஸ்ட்

ஆனால் கென்யேவுக்கு இதுதான் முதல் திருமணமாக இருக்கும். இதற்கு முன்பு அவர் அலெக்ஸிஸ் பிபர் என்பவருடன் நிச்சயதார்த்தம் செய்தார். ஆனால் அது பின்னர் முறிந்து போய் விட்டது. இதனால் திருமணமே நடைபெறவில்லை. எனவே கிம்தான் கென்யேவுக்கு முதல் தாரமாகும்....