இளவரசி கேட்டுடன் 'டேட்டிங்' போகோணும்.. ஆசைப்படும் கிம்!

லண்டன்: இங்கிலாந்து இளவரசர் வில்லியமின் மனைவி கேட் மிடில்டனுடன் டேட்டிங் போக ஆசைப்படுவதாக கவர்ச்சி நாயகி கிம் கர்தஷியான் விருப்பம் தெரிவித்துள்ளார்.

கிம்முடன் டேட்டிங் போக பலரும் முண்டியடிக்கும் நிலையில், அவரோ கேட்டுடன் டேட்டிங் போக ஆசைப்படுவதாக தெரிவித்துள்ளார். ஏற்கனவே கிம்மின் காதலரான கென்யே வெஸ்ட், கிம்மை, கேட் மிடில்டன் போலவே மாற்ற பிரம்மப் பிரயத்தனம் செய்து வருகிறார் என்பது தெரிந்ததே. கேட் மிடில்டனைப் போலவே சமீபத்தில் கிம்முக்கு டிரஸ் வடிவமைத்துக்கொடுத்து போடச் சொன்னார் வெஸ்ட். இதன் மூலம் கிம்முக்கு, கேட் மீது ஒரு கண் என்பது தெரிய வந்தது. இப்போது அதை தனது பகிரங்கப் பேச்சு மூலம் உறுதிப்படுத்தியுள்ளார் கிம்.

இதுகுறித்து அவர் கூறுகையில் அனைவருக்குமே கேட்டைப் பிடித்துள்ளது. அவருடன் டேட்டிங் போக வாய்ப்பு கிடைத்தால் சந்தோஷப்படுவேன். அவரை நானே அழைத்து லன்ச் சாப்பிட வருமாறு அழைக்கப் போகிறேன். அவர் மிகவும் அழகாக இருக்கிறார் என்றார் சிலிர்ப்புடன்.

ஆசை நூறு வகை.. அதில் கிம் ஒரு வகை...!