கஞ்சாவைக் கைவிட்டார் லேடி காகா

லண்டன்: தான் கஞ்சா அடிக்கும் பழக்கத்தை விட்டு விட்டதாக பாப் பாடகி லேடி காகா கூறியுள்ளார்.

லேடி காகா எதிலும் வெளிப்படையானவர், எதையும் வெளிப்படையாக பேசக் கூடியவர். தான் நீண்ட காலமாக கஞ்சாப் பழக்கத்திற்கு உட்பட்டவர் என்பதை அவர் வெளிப்படையாகவே சொன்னவர். கடந்த செப்டம்பர் மாதம் நெதர்லாந்தில் நடந்த நிகழ்ச்சியில் கூட மேடையிலேயே கஞ்சாவைப் புகைத்து அனைவரையும் அதிர வைத்தார். கூடவே தனக்கு கஞ்சா ரொம்பவே பிடிக்கும் என்றும் கூறி மெய் சிலிர்த்தவர்.

இந்த நிலையில் தற்போது கஞ்சாவை விட்டு விட்டதாக கூறியுள்ளார் காகா. தனது ஆர்ட்பாப் ஆல்பத்தைப் பதிவு செய்து முடித்த கையோடு கஞ்சாவையும் மறந்து விட்டதாக அவர் கூறியுள்ளார்.

எனது ஆர்ட்பாப் ஆல்பத்தில் நான் கஞ்சா புகைக்கும் காட்சி எதுவும் இல்லை. கஞ்சாவை நான் விட்டு விட்டேன் என்று கூறியுள்ளார் காகா.