Don't Miss!
- Lifestyle 11 வயது சிறுமியை அம்மாவும்-மகனும் சேர்ந்து கடத்திய வினோதம்... எதுக்காக கடத்துனாங்க தெரியுமா?
- News இப்படி நடக்கும்னு யாருமே எதிர்பார்க்கல.. நெல்லையில் "லம்ப்"பாக வாரி இறைத்த "தலை".. பலன் கிடைக்குமா?
- Automobiles பைக்க விட அதிக மைலேஜ் தரும் ஹூண்டாய் கார்.. பொய் சொல்லல.. ஸ்ட்ராங்கான ஆதாரத்தோடதான் சொல்றாங்க!
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
- Technology மிரளுது டிஸ்கவுண்ட்.. முழுசா ரூ.12000 கட்.. அடிமட்ட ரேட்டில் ஃபிளிப் போன்.. 3D கர்வ்ட் டிசைன்.. எந்த மாடல்?
- Finance எலான் மஸ்க் முடிவால்.. முக்கிய நிகழ்ச்சி ரத்து.. ஸ்டார்ட்அப் நிறுவனங்கள் சோகம்..!!
- Sports IPL 2024 : ஐபிஎல் வரலாற்றிலேயே எந்த விக்கெட் கீப்பரும் செய்யாத பிரம்மாண்ட சாதனையை செய்த தோனி
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
மீண்டும் ஒரு கப்பல் படத்தில் டிகாப்ரியோ.. இது மார்ட்டின் ஸ்கார்சஸியின் வேறலெவல் சம்பவம்!
லாஸ் ஏஞ்சல்ஸ்: மார்ட்டின் ஸ்கார்சஸி இயக்கத்தில் ராபர்ட் டி நிரோ உடன் இணைந்து 'Killers of the Flower Moon' படத்தில் நடித்து வருகிறார் டைட்டானிக் ஹீரோ லியோனார்டோ டிகாப்ரியோ.
விரைவில் அந்த படம் வெளியாக உள்ள நிலையில், மீண்டும் மார்ட்டின் ஸ்கார்சஸி இயக்கத்தில் அடுத்த ஆண்டு வெளியாக உள்ள நாவலைத் தழுவி உருவாகும் படத்திலும் டிகாப்ரியோ ஒப்பந்தம் ஆகி உள்ளார்.
ஜேம்ஸ் கேமரூன் இயக்கத்தில் டிகாப்ரியோ நடித்த டைட்டானிக் படத்தைப் போலவே இந்த படமும் கப்பல் மற்றும் படகுகளை மையமாக வைத்த கதை என்கின்றனர்.
7வது முறையாக கூட்டணி
ஹாலிவுட்டின் பிரபல இயக்குநர் மார்ட்டின் ஸ்கார்சஸி உடன் லியோனார்டோ டிகாப்ரியோ நடித்த அத்தனை படங்களும் ஆஸ்கர் உள்ளிட்ட ஏகப்பட்ட விருதுகளை தட்டித் தூக்கி இருக்கின்றன. கேங்ஸ் ஆஃப் நியூயார்க், தி ஏவியேட்டர், தி டிபார்டட், ஷட்டர் ஐலாண்ட் மற்றும் தி உல்ஃப் ஆஃப் வால்ஸ்ட்ரீட் உள்ளிட்ட படங்கள் இதுவரை வெளியாகி உள்ளன. விரைவில் ஃபிளவர் மூன் திரைப்படமும் தி வேஜர் திரைப்படமும் வெளியாக உள்ளன.
ஃபிளவர் மூன்
மார்ட்டின் ஸ்கார்சஸி இயக்கத்தில் ஹாலிவுட்டின் பிரபல ஹீரோ ராபர்ட் டி நீரோ மற்றும் லியோனார்டோ டிகாப்ரியோ நடித்து வரும் கில்லர்ஸ் ஆஃப் தி ஃபிளவர் மூன் விரைவில் திரையரங்குகளில் வெளியாக உள்ளன. இந்நிலையில், தி வேஜர் எனும் நாவலைத் தழுவி உருவாக உள்ள படத்திலும் மார்ட்டின் ஸ்கார்சஸி - டிகாப்ரியோ கூட்டணி மீண்டும் இணைகிறது.
மீண்டும் ஒரு டைட்டானிக்கா
ஜேம்ஸ் கேமரூன் இயக்கத்தில் வெளியான டைட்டானிக் திரைப்படம் தான் லியோனார்டோ டிகாப்ரியோவை உலகத்திற்கே அறிமுகம் செய்தது. இந்நிலையில், அடுத்தாண்டு வெளியாக உள்ள தி வேஜர் எனும் நாவலை படமாக்கும் உரிமையை கைப்பற்றி உள்ள மார்ட்டின் ஸ்கார்சஸி அந்த படத்திற்கும் டிகாப்ரியோவை நாயகனாக ஒப்பந்தம் செய்துள்ளார். இந்த படத்திலும், கப்பல் மற்றும் படகுகளில் இருந்து மக்கள் தப்பிக்கும் போது, நடக்கும் வாக்கு வாதங்களும் சூழ்ச்சிகளும் தான் கதை என்கின்றனர்.
ஆப்பிள் தயாரிப்பு
இந்த படத்தை பிரம்மாண்டமாக ஆப்பிள் நிறுவனம் தயாரிக்கிறது. தி வேஜர் புத்தகத்தையும் ரிலீஸ் செய்யப் போவது ஆப்பிள் நிறுவனம் தான். 1740களில் நடந்த பீரியட் டிராமாவாக தி வேஜர் திரைப்படம் உருவாக்கப்பட உள்ளதாக தகவல்கள் வெளியாகி உள்ளன. புத்தகம் ரிலீஸ் ஆனதுமே அடித்து புடித்துக் கொண்டு ஹாலிவுட் ரசிகர்கள் என்ன கதை என்பதை அறிந்து கொள்ள வாங்கி விடுவார்கள் என்பது குறிப்பிடத்தக்கது.