twitter
    For Quick Alerts
    ALLOW NOTIFICATIONS  
    For Daily Alerts

    மடோனாவின் 'டி.என்.ஏ'வை இனி யாரும் திருட முடியாது...!!

    By Sudha
    |

    Madonna
    'பாப் தேவதை' மடோனா ஒரு நூதனமான உத்தரவைப் பிறப்பித்துள்ளாராம் தனது உதவியாளர்களுக்கு. அதாவது அவர் எந்த ஷோவில் கலந்து கொண்டாலும், ஷோ முடிந்ததும், அவரது உடை மாற்றும் அறையை பக்காவாக சுத்தப்படுத்த வேண்டும் என்பதுதான் அந்த உத்தரவு. ஏனாம்... அவர் மீது வெறித்தனமாக உள்ள ரசிகர்கள் மடோனாவின் டிஎன்ஏவைத் திருடும் வாய்ப்பு இருப்பதாக சந்தேகப்படுகிறாராம் மடோனா. அதனால்தான் இந்த 'சுத்தப்படுத்தும்' உத்தரவாம்.

    இதனால் இப்போதெல்லாம் மடோனாவின் டிரஸ்ஸிங் அறையை அவர் போன பிறகு சுத்தமாக 'ஸ்டெரிலைஸ்' செய்து விடுகிறார்களாம். இந்த சுத்தப்படுத்தும் பணிக்காக கூடவே ஒரு டீமையும் கூட்டிக் கொண்டு திரிகிறார் மடோனா. மடோனாவின் டிஎன்ஏ எந்த ரூபத்திலும் சிக்கி விடாத வகையில் இந்த குழுவினர் மிக மிக கவனமாக ஸ்டெரிலைஸ் செய்கிறார்கள். அவரது தலைமுடி, நகம், எச்சில் உள்பட எதுவும் யார் கையிலும் சிக்கி விடாத வகையில் இந்த வேலை நடக்கிறதாம்.

    மடோனாவுக்கு இப்போது 53 வயதாகிறது. இருந்தாலும் அதில் பாதி வயதுடையவர் போல இளமையுடன், சிக்கென காணப்படும் மடோனாவுக்கு உலகம் பூராவும் ஏகப்பட்ட ரசிகர்கள். இதனால் மிகுந்த கவனத்துடன் ஒவ்வொரு அடியையும் எடுத்து வைக்க வேண்டியுள்ளது மடோனாவால்.

    மடோனா கலந்து கொள்ளும் நிகழ்ச்சிகளின்போது, மேடையின் பின்பக்க அறைக்குள் அவர் மற்றும் அவருடன் வருவோர் மட்டுமே அனுமதிக்கப்படுகின்றனர். வேறு யாரும் அனுமதிக்கப்படக் கூடாது என்று மடோனா உத்தரவு போட்டுள்ளார்.

    இது போதாதென்று, தனது டிரஸ்ஸிங் ரூம் மற்றும் தான் தங்கப் போகும் அறை உள்ளிட்டவற்றில் யாராவது கேமராவை புதைத்து மறைத்து வைத்துள்ளனரா என்பதையும் தனது குழுவினர் மூலம் தீவிரமாக பரிசோதித்து விட்டு அதன் பின்னரே அறைக்குள் என்ட்ரி கொடுக்கிறார் மடோனா.

    தற்போது உலக இசைப் பயணத்தை மேற்கொண்டுள்ளார் மடோனா. தற்போது போர்ச்சுகலில் முகாமிட்டுள்ளார். ஏற்கனவே இஸ்ரேல், துருக்கி, இத்தாலி, ஸ்பெயினை கலக்கி விட்டு வந்தார்.

    இஸ்ரேலில் பயணம் மேற்கொண்டிருந்தபோது தனது மார்புக் காம்பைக் காட்டி ரசிகர்களை அதிர வைத்தார். அதேபோல இத்தாலியில் கலந்து கொண்டபோது தனது பின்பக்கத்தைக் காட்டி மிரள வைத்தார் என்பது நினைவிருக்கலாம்.

    English summary
    Pop diva Madonna reportedly orders sterile wipes of her dressing room after each show to prevent her fans from stealing her DNA. The Material Girl is so worried about her obsessive fans that she has set up a 'sterilisation team' to clean away any traces of DNA that she might have left behind from her hair, skin or saliva, reported Mirror online.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X