பாப் அரசன்.. உலகையே நடனத்தால் அசத்தியவர்.. 50 வயதில் இந்த நாளில் தான் மறைந்தார் மைக்கேல் ஜாக்சன்

உயிரோடு

மைக்கேல் ஜாக்சனை போலவே இருக்கும் சில டிக்டாக் பிரபலங்களும், தாங்கள் தான் மைக்கேல் ஜாக்சன் என சொல்லிக் கொண்டு சமூக வலைதளங்களில் வைராலாகி வருகின்றனர். அமெரிக்காவின் இண்டியானா மாகாணத்தில் 1958ம் ஆண்டு 8வது குழந்தையாக பிறந்தவர் மைக்கேல் ஜாக்சன்.

5 வயது முதலே

உடன்பிறந்த சகோதரர்களுடன் இணைந்து தனது 5ம் வயதிலேயே இசை உலகில் காலடி எடுத்து வைத்த மைக்கேல் ஜாக்சன், தனது 13வது வயதில் இருந்து தனியாக பாட ஆரம்பித்தார். மைக்கேல் ஜாக்சனின் மூன் வாக் நடனத்திற்கு மயங்காத ஆட்களே இந்த உலகில் இல்லை என்று சொல்லும் அளவுக்கு தனது அசாதாரண நடன திறமையால் உலகையே ஆட்டி படைத்தார்.

பிளாஸ்டிக் சர்ஜரி

கருப்பு நிறமாக இருந்த மைக்கேல் ஜாக்சன் பிளாஸ்டிக் சர்ஜரி செய்து கொண்டு வெள்ளை நிறமாக மாறினார் என்ற வதந்திகள் பரவிய நிலையில், மூக்குக்கு மட்டுமே பிளாஸ்டிக் சர்ஜரி செய்ததாகவும், தோல் நோய் காரணமாகவே தனது நிறம் மாறியதாகவும் மைக்கேல் ஜாக்சன் விளக்கம் அளித்திருந்தார்.

இசை ஆல்பங்கள்

டேஞ்சரஸ், ஆஃப் தி வால், திரில்லர், பேட், எஸ்கேப், இன்வின்சிபிள், பென், இம்மோர்டல், ஃபாரெவர் மைக்கேல், மியூசிக் அண்ட் மி, ஒன் நைட் இன் ஜப்பான், ஆக்லாண்ட் உள்ளிட்ட 25க்கும் மேற்பட்ட இசை ஆல்பங்களை வெளியிட்டு, மியூசிக் உலகின் முடிசூடா மன்னராக திகழ்ந்தார் மைக்கேல் ஜாக்சன்.

என்றும் நினைவில்

பத்துக்கும் மேற்பட்ட கிராமி விருதுகள், அமெரிக்கன் மியூசிக் விருது, பிரிட் விருது, எம்மி விருது, எம்.டி.வி விருது, பில்போர்ட் மியூசிக் இருது என இசைத் துறையின் எண்ணில் அடங்காத விருதுகளை வாங்கிக் குவித்த மைக்கேல் ஜாக்சன், இசையும் நடனமும் இருக்கும் வரை மக்களால் நினைக்கப்படுவார்.