Don't Miss!
- News வேகும் வெயிலிலும்.. "வெறுப்புக்கு" ஓட்டு போடாதீர்கள் பதாகையுடன்.. தெரு தெருவாக சுற்றும் முதியவர்
- Lifestyle கால்களில் இந்த அறிகுறிகள் தெரியுதா? அப்ப சிறுநீரக நோய் இருக்கு-ன்னு அர்த்தம்.. உஷார்...
- Technology Dish TV டிடிஎச் சேவையில் திடீர் மாற்றம்.. ரூ.200-ஐ ரெடியா வச்சிக்கோங்க.. இனி எல்லாமே இந்த Smart Plus தான்!
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
கிராவிட்டி புண்ணியத்தால்.. போர்ப்ஸ் பட்டியலில் முதலிடத்தைப் பிடித்தார் சான்ட்ரா புல்லக்!
வாஷிங்டன்: ஹாலிவுட்டில் கை நிறைய சம்பளம் வாங்கும் நடிகையாக உருவெடுத்துள்ளார் சான்ட்ரா புல்லக். கடந்த ஒரு வருடத்தில் மட்டும் அவர் 51 மில்லியன் டாலர் அளவுக்கு சம்பாதித்துள்ளார். இது 2வது இடத்தைப் பிடித்துள்ள ஜெனீபர் லாரன்ஸை விட 17 மில்லியன் டாலர் அதிகமாகும்.
கடந்த வருடம் இந்தப் பட்டியலில் ஏஞ்செலீனா ஜூலி முதலிடத்தைப் பிடித்திருந்தார். அதற்கு முன்பு அதாவது 2012 பட்டியலில் கிறிஸ்டன் ஸ்டூவர்ட் முதலிடத்தைப் பெற்றிருந்தார்.
போர்ப்ஸ் இதழ் இந்த பட்டியலை வெளியிட்டுள்ளது.
சான்ட்ரா புல்லக்....
உலகிலேயே அதிக சம்பளம் வாங்கும் நடிகையாக சான்ட்ரா புல்லக் உயர்ந்துள்ளதாக போர்ப்ஸ் கூறுகிறது. இதற்கு முக்கியக் காரணம் அவரது ஆஸ்கர் விருது பெற்ற கிராவிட்டி படத்தின் மிகப் பெரிய வெற்றிதான் காரணம்.
கிராவிட்டியில் பங்கு...
கிராவிட்டி படத்திலிருந்து சான்ட்ராவுக்கும் ஒரு பெரும் பங்கு லாபத்திலிருந்து போயுள்ளதாக போர்ப்ஸ் கூறுகிறது.
7 ஆஸ்கர் விருதுகள்...
50 வயதான சான்ட்ரா நடித்த கிராவிட்டி படம் 7 ஆஸ்கர் விருதுகளை வாங்கிக் குவித்தது நினைவிருக்கலாம். உலக அளவில் இப்படம் 716 மில்லியன் டாலர் வசூலையும் ஈட்டியது.
முதலிடம்...
கடந்த 2010ம் ஆண்டு அதிக வருவாய் ஈட்டிய நடிகைகள் வரிசையில் சான்ட்ரா முதலிடத்தைப் பிடித்திருந்தார். தற்போது மீண்டும் முதலிடத்திற்கு வந்துள்ளார்.
2வது இடத்தில்...
23 வயதான ஜெனீபர் லாரன்ஸ் 34 மில்லியன் டாலருடன் 2வது இடத்தைப் பிடித்துள்ளார்.
3வது இடத்தில் ஜெனீபர்...
ஜெனீபர் அனிஸ்டனுக்கு இந்தப் பட்டியலில்3வது இடம் கிடைத்துள்ளது. அவரது சம்பாத்தியம் 31 மில்லியன் டாலர்.
ஏஞ்செலீனாவுக்கு 5வது இடம்...
கியானித் பால்த்ரோ 4வது இடத்தையும், ஏஞ்செலீனா ஜூலி 5வது இடத்தையும் பிடித்துள்ளனர்.
ஸ்கார்லெட்....
அடுத்தடுத்த இடங்களை காமரூன் டயஸ், ஸ்கார்லெட் ஜோஹன்சன், அமி ஆடம்ஸ், நதாலி போர்ட்மேன், கிறிஸ்டன் ஸ்டூவர்ட் ஆகியோர் பெற்றுள்ளனர்.
3வது இடம் தான்...
அதேசமயம், ஹாலிவுட்டிலும் கூட நம்ம ஊரைப் போல நடிகர்களுக்குத்தான் அதிக சம்பளம் தருகிறார்கள். நடிகர்கள் வரிசையில் சான்ட்ராவை வைப்பதாக இருந்தால் அவருக்கு 3வது இடம்தான் கிடைக்கும்.
மொத்த வருமானம்....
நடிகர், நடிகைகளைப் பொறுத்தமட்டில் டாப் 10 நடிகர்களின் மொத்த வருவாய் 419 மில்லியன் டாலராக இருக்கிறது. அதேசமயம் டாப் 10 நடிகைகளின் மொத்த சம்பளம் 226 மில்லியன் டாலர்தான்.