Click it and Unblock the Notifications
ஜேம்ஸ் பாண்டை இயக்குகிறார் 'ஸ்லம்டாக் மில்லியனேர்' டேனி பாய்ல்?
இரண்டு ஆண்டுகளுக்கு ஒரு பாண்ட் படம் வெளியாவது வழக்கம். கடந்த ஆண்டு இறுதியில் டேனியல் கிரெய்க் நடித்த ஸ்கைபால் வெளியானது. இந்தப் படத்தை சாம் மென்டிஸ் இயக்கியிருந்தார்.
அடுத்த பாண்ட் படத்தையும் இவர்தான் இயக்குவார் என எதிர்ப்பார்த்த நிலையில், அவர் அதிலிருந்து விலகிவிட்டதாக அறிவித்துள்ளார்.
எனவே, ஆஸ்கர் விருது வென்ற ஸ்லம்டாக் மில்லியனேர் படத்தை இயக்கிய டேனி பாய்லுக்கு இந்தப் புதிய படத்தை இயக்கும் வாய்ப்பைத் தர முடிவு செய்துள்ளார் தயாரிப்பாளர் பார்பரா ப்ரோகலி. இந்த புதிய பாண்ட் படத்திலும் டேனியல் கிரெய்க்தான் ஹீரோ என்பது குறிப்பிடத்தக்கது.
கடந்த ஞாயிற்றுக்கிழமை லண்டனில் நடந்த எம்பையர் சினிமா விருது விழாவின்போது டேனி பாய்லுடன் இதற்கான பேச்சுவார்த்தையை நடத்தினார் ப்ரோகலி.
நிச்சயம் இந்தப் படத்தை டேனி பாய்ல்தான் இயக்குவார் என்று பாண்ட் பட தயாரிப்பாளர்களில் மூத்தவரான மைக்கேல் ஜி வில்சன் தெரிவித்துள்ளது குறிப்பிடத்தக்கது.
அப்படின்னா இசை நம்ம ஏஆர் ரஹ்மான்தானே!
Continue with Google