Click it and Unblock the Notifications
சில்வஸ்டர் ஸ்டாலோனின் மகன் மர்ம மரணம்
சேஜின் முழுப் பெயர் சேஜ் மூன்பிளட் ஸ்டாலோன். 1990ல் ராக்கி பல்போ ஜூனியர் என்ற பெயரில் நடித்தவர். ஹாலிவுட்டில் உள்ள அவரது வீட்டில் தங்கியிருந்தார். காலையில் அவர் பிணமாகக் கிடந்தார். அவரது உடலை முதலில் வேலைக்காரப் பெண் பார்த்ததாக தெரிகிறது. அவரது காதலிதான் முதலில் உடலைப் பார்த்ததாக இன்னொரு தகவல் தெரிவிக்கிறது.
டாக்டர்கள் வந்து அவரைப் பரிசோதித்து விட்டு அவர் ஏற்கனவே இறந்து விட்டதாக தெரிவித்தனர். விரைவில் திருமணம் செய்ய திட்டமிட்டிருந்தார் சேஜ். அவருக்கு எந்தக் கெட்டப் பழக்கமும் இல்லை என்று கூறப்படுகிறது. மகனின் மறைவுச் செய்தி சில்வஸ்டர் ஸ்டாலோனை அதிர்ச்சிக்குள்ளாக்கியுள்ளதாம். அவர் பெரும் துயரத்தில் இருக்கிறார் என்று சேஜின் வக்கீல் கூறியுள்ளார்.
சேஜின் மரணம் குறித்து லாஸ் ஏஞ்சலெஸ் போலீஸார் விசாரணை நடத்தி வருகின்றனர். பிரேதப் பரிசோதனைக்குப் பின்னரே சேஜ் எப்படி மரணமடைந்தார் என்பது தெரிய வரும்.
Continue with Google