Don't Miss!
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Automobiles இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
சிகப்பு மாத்திரையா? நீல மாத்திரையா? வித்தியாசமாக வெளியான தி மேட்ரிக்ஸ் 4 டிரைலர் அப்டேட்!
லாஸ் ஏஞ்சல்ஸ்: பிரபல ஹாலிவுட் நடிகர் கீனு ரீவ்ஸ் நடிப்பில் உருவாகி வரும் மேட்ரிக்ஸ் 4 டிரைலர் குறித்த வித்தியாசமான அப்டேட் வெளியாகி உள்ளது.
வரும் செப்டம்பர் 9ம் தேதி (நாளை) மேட்ரிக்ஸ் 4ம் பாகத்தின் அதிரடியான டிரைலர் வெளியாக உள்ளது.
இந்நிலையில், ரசிகர்களை நீலம் மற்றும் சிவப்பு மாத்திரைகளை தேர்ந்தெடுக்க சொல்லும் விதமாகவும் ரசிகர்கள் தேர்வு செய்யும் நிறத்துக்கான வித்தியாசமான மேட்ரிக்ஸ் பட கதாபாத்திர வாய்ஸ் ஓவர் ஒலித்து மேஜிக் செய்து வருகிறது.
22 ஆண்டு காலம்
1999ம் ஆண்டு மேட்ரிக்ஸ் படத்தின் முதல் பாகம் வெளியானது. தொடர்ச்சியாக அதன் 3 பாகங்கள் வெளியாகி உலகளவில் மிகப்பெரிய வசூல் வேட்டையை நிகழ்த்தியது. இந்நிலையில், மேட்ரிக்ஸ் படத்தின் 4ம் பாகம் விரைவில் வெளியாக உள்ளது. செப்டம்பர் 9ம் தேதி அந்த படத்தின் அசத்தலான டிரைலர் வெளியாகிறது என்கிற அறிவிப்பை படக்குழு வித்தியாசமான முயற்சியில் அறிவித்துள்ளது.
கீனு ரீவ்ஸ்
மேட்ரிக்ஸ் படத்தின் மூலம் சர்வதேச கவனத்தை ஈர்த்த கீனு ரீவ்ஸுக்கு ஹாலிவுட்டில் மிகப்பெரிய ரசிகர் கூட்டம் உள்ளது. எப்போது அவர் படம் வெளியானாலும் உலகளவில் மிகப்பெரிய பாக்ஸ் ஆபிஸ் குவிவதால் அவருக்கு ஹாலிவுட்டில் இன்றளவும் மிகப்பெரிய மார்க்கெட் நிலவுகிறது. மேட்ரிக்ஸ் படத்தின் 3 பாகங்களையும் தாண்டி கீனு ரீவ்ஸ் நடிப்பில் வெளியான ஜான் வீக் சீரிஸ் மற்றும் நாக் நாக் உள்ளிட்ட படங்கள் மிகப்பெரிய ஹிட் அடித்தன.
பிரியங்கா சோப்ரா இருக்காரு
இயக்குநர் லானா வச்சோஸ்கி இயக்கத்தில் கீனு ரீவ்ஸ், கேரி அனெ மோஸ் உள்ளிட்ட மேட்ரிக்ஸ் நடிகர்களுடன் இந்த 4ம் பாகத்தில் பிரபல பாலிவுட் நடிகை பிரியங்கா சோப்ராவும் இணைந்துள்ளார். தனது இன்ஸ்டாகிராம் பக்கத்தில் அவரும் நீலமா? சிகப்பா? எந்த மாத்திரையை எடுக்கப் போறீங்க என கேட்டு போட்ட போஸ்ட்டும் இந்திய ரசிகர்கள் மத்தியில் வைரலாகி வருகிறது.
வித்தியாசமான முயற்சி
ரசிகர்கள் நீல மாத்திரையை க்ளிக் செய்தால் மேட்ரிக்ஸ் படத்தின் பிரபலமான ஹாரிஸ் கதாபாத்திரத்தின் வாய்ஸ் ஓவர் ரசிகர்களை நிஜத்திற்கும் ஃபிக்ஷனுக்கும் இடையே உள்ள வேறுபாட்டை சொல்லி குழப்பி விடும் அளவுக்கு வடிவமைக்கப்பட்டு உள்ளது. அடுத்தாக சிகப்பு மாத்திரையை க்ளிக் செய்யும் ரசிகர்களுக்கு அப்துல் - மட்டீனின் குரல் ஒலிக்கும் படி வித்தியாசமாக இந்த அப்டேட் வடிவமைக்கப்பட்டு இருக்கிறது.
உலகளவில் எதிர்பார்ப்பு
மேட்ரிக்ஸ் முதல் பாகம் 1999ம் ஆண்டு வெளியான நிலையில், அதன் அடுத்த இரு பாகங்களான மேட்ரிக்ஸ் ரீலோடட் மற்றும் மேட்ரிக்ஸ் ரிவால்யூஷன்ஸ் படங்கள் 2003ம் ஆண்டிலேயே அடுத்தடுத்து வெளியாகின. இந்நிலையில், சுமார் 18 ஆண்டுகள் கழித்து இந்த ஆண்டு கிறிஸ்துமஸ் பண்டிகையை குறிவைத்துள்ள மேட்ரிக்ஸ் 4ம் பாகத்திற்கு உலகளவில் மிகப்பெரிய எதிர்பார்ப்பு நிலவி வருகிறது. நாளை இந்திய நேரப்படி மாலை 6.30 மணிக்கு வெளியாக உள்ள இந்த டிரைலரில் டெக்னாலஜி எப்படி எல்லாம் விளையாடப் போகுதுன்னு பொறுத்திருந்து பார்ப்போம்.