ஆத்தாடி.. இவர் மனுஷனே இல்லை.. உயிரை பணயம் வைத்து சாகசம் செய்த டாம் க்ரூஸ்.. டிரெண்டாகும் வீடியோ!

60 வயசு ஆனா என்ன

40 பிளஸ் ஆனாலே ஏகப்பட்ட நடிகர்கள் சேஃப்டி தான் முதலில் முக்கியம் என்பதற்காக தங்களுக்கு பதில் டூப் நடிகர்களையே நடித்து வருகின்றனர். ஆனால், 60 வயசு ஆனால், என்னா இப்பவும் நான் யங் பாய் தான் என மிஷன் இம்பாசிபிள் நடிகர் டாம் க்ரூஸ் செய்துள்ள சாகசம் ரசிகர்களை கூஸ்பம்ப்ஸ் ஆக்கி உள்ளது. உலகிலேயே இதுவரை இப்படியொரு பைக் சாகசக் காட்சி படமாக்கப்படவில்லை என்பது தான் பெரிய ஹைலைட்.

நினைத்ததை முடிப்பவன்

முடிக்க முடியாத பெரிய பெரிய மிஷன்களை முடிக்கும் கதையுடன் ஜேம்ஸ் பாண்ட் டச்சில் இருக்கும் மிஷன் இம்பாசிபிள் படங்களில் 1996 முதல் 2022 வரை நடித்து வருகிறார். விமானத்தில் ஃபுட் போர்ட் அடிப்பது, ஹெலிகாப்டரை தாறுமாறாக ஓட்டுவது, பெரிய மாடியில் இருந்து லாங் ஜம்ப் செய்யும் போது அவரது காலில் பலத்த காயம் ஏற்பட்டது. ஆனாலும், அசறாமல் அடுத்த சாகசத்தை நிகழ்த்திக் காட்டி உள்ளார் டாம் க்ரூஸ்.

500 ஸ்கை டைவ்

Hellesylt, Norway பகுதியில் உள்ள ஒரு பெரிய மலையில் இருந்து பள்ளத்தாக்கை நோக்கி பைக்கில் இருந்து ஜம்ப் செய்து அதன் பின்னர் சரியான நேரத்தில் பாராசூட்டை ஆன் செய்து லேண்ட் ஆக வேண்டும். இந்த காட்சியை ஒரே சிங்கிள் டேக்கில் எடுத்து விட முடியாது. இதற்காக டாம் க்ரூஸ் 500 ஸ்கை டைவ் சாகசங்களை பல இடங்களில் பல உயரங்களில் எடுத்து பயிற்சி செய்த பின்னரே அந்த பெரிய மலை உச்சியில் இருந்து அப்படியொரு சாகசத்தை நிகழ்த்தி உள்ளார்.

13000 பைக் ஜம்ப்

அந்த பெரிய மலையில் இருந்து அதள பாதாளத்தில் பைக்கை ஓட்டிக் கொண்டு விழ வேண்டும் இந்த சாகசத்திற்காக 13000 தடவை மோட்டார் பைக் கிராஸ் சாகசத்தை சளிக்காமலும் பல கஷ்டங்களை தாங்கிக் கொண்டும் செய்து அசத்தி இருக்கிறார் நடிகர் டாம் க்ரூஸ் என்பதை பார்க்கும் போது இப்படியெல்லாம் ஒரு நடிகர் இந்த உலகத்தில் உள்ளாரா என்றே எண்ணத் தோன்றுகிறது.

டைட்டிலே தாறுமாறு

மிஷம் இம்பாசிபிள் படத்தின் 7ம் பாகத்திற்கு Mission: Impossible - Dead Reckoning என டைட்டிலையே தாறுமாறாக வைத்துள்ளனர். நார்வேயில் எடுக்கப்பட்ட இந்த சாகச காட்சிகள் அடங்கிய படத்தை இயக்குநர் கிறிஸ்டோபர் மெக்குவாரி இயக்கி உள்ளார். இந்த ஆண்டு வெளியான டாம் க்ரூஸின் டாப் கன் மேவரிக் பாக்ஸ் ஆபிஸில் சாதனை படைத்ததை விட பல மடங்குகள் மிஷன் இம்பாசிபிள் டெட் ரெக்கனிங் படம் வசூல் குவிக்கும் என எதிர்பார்க்கப்படுகிறது. அடுத்த ஆண்டு ஜூலை மாதம் தியேட்டரில் படம் வெளியாகிறது.