இந்த கும்கி, ஹாலிவுட்டிலிருந்து வருதுங்கோ!

உலகளவில் ஆக்ஷன் ஹீரோக்களுக்கு மிக பெரிய வரவேற்பு எப்போதுமே உண்டு.

ஆக்ஷன் ஹீரோக்களாக உலகளவில் ஏற்றுக் கொள்ளப்பட்ட வரிசையில் புருஸ்லி, ஜாக்கிசான், அதன் பிறகு டோனிஜா!

டோனிஜா ஏற்கனவே நடித்து சூப்பர் ஹிட் ஆன 'ஓங் பேக் 1' என்ற படம் உலக அளவில் மாபெரும் வசூல் புரட்சியை ஏற்படுத்தியது.

தற்போது பத்து வருடங்களுக்குப் பிறகு 'ஓங் பேக் 1' படத்தில் இணைந்த இயக்குனர் பிரச்சாய் பிங்கே, ஸ்டன்ட் இயக்குனர் கிட்டிகேரி, டோனிஜா மூவரும் டாம் யம் கூங் 2 (Tom Yum Goong 2) என்ற படத்துக்காக இணைந்துள்ளனர்.

இந்தப் படத்தை தமிழில் கும்கி வீரன் என்று மொழிமாற்றம் செய்து வெளியிடுகின்றனர்.

"ஓங் பேக் எப்படி ஆக்ஷன் படமாக பேசப் பட்டதோ அதற்கு இணையாக "கும்கி வீரன்" என்ற படமும் ஆக்ஷன் விஷயத்தில் பரபரப்பாகப் பேசப்படும். 20 நிமிடம் ஓடும் பைக் சேசிங் ஷாட்ஸ் ஒன்றை படமாக்கிய விதத்தில் யாருமே மிரண்டு போவார்கள். ஐஎம்டிபி என்ற அமைப்பு இந்த படத்திற்கு 7.3 என்று ரேட்டிங் கொடுத்திருக்கிறது.

வசனத்தை ராஜா எழுதுகிறார். இண்டோ ஓவர்சீஸ் நிறுவனம் சார்பாக பிரோஸ் மற்றும் ஆர்ட் ஸ்டுடியோ சார்பில் ஜி.ஆர்.ஆர்.ரகு, சிவன், செந்தில் இருவரும் இந்த படத்தை வெளியிடுகிறார்கள். இவர்கள் ஜாக்கிசான் நடித்த சிஇஸட் 12 உள்ளிட்ட பல ஆக்ஷன் படங்களை வெளியிட்டவர்கள் என்பது குறிப்பிடத்தக்கது.