வீங்கிய.. கறுப்பு நீல நிறக் கண்ணோடு காரில் வலம் வந்த பியர்ஸ் பிரோஸ்னன்

மல்லோர்கா: ஹாலிவுட் நடிகர் பியர்ஸ் பிரோன்ஸன் அண்மையில் ஸ்பெயினின் மல்லோர்கா சென்ற போது ரசிகர்களை கொஞ்சம் அதிரவே செய்துவிட்டார். அவரது இடது கண் கறுப்பாக, நீல நிறமாக சற்று வீங்கியிருந்தது! அந்த வசீகரமான தங்க நிற கண்களுக்கு என்னாச்சோ! என்று ஆடிப் போய் ரசிகர்கள்!

அப்புறம்தான் விஷயமே தெரிய வந்தது! மல்லோர்க்காவில் பியர்ஸ் பிரோன்ஸன் நடித்து வரும் ஏ லாங் வே டெளன் என்ற புதிய படத்தின் படப்பிடிப்பு நடைபெற்றது. இதில் கடைசி நாள் சண்டைக் காட்சி படமாக்கப்பட்டது. அப்போது போடப்பட்ட மேக்கப்பை படப்பிடிப்பு முடிந்த பின்னரும் கலைக்காமல் அப்படியே காரில் ஏறி போஸ் கொடுக்கப் போய்தான் இந்த களேபரமாம்!