Click it and Unblock the Notifications
ரஜினியுடன் நடிப்பேன் - அசின் அபார நம்பிக்கை
தன்னுடன் நடிக்க ஆரம்பித்த நயன்தாரா, ஸ்ரேயா போன்றவர்களுக்கெல்லாம் ரஜினியுடன் நடிக்க வாய்ப்பு கிடைக்க, அசினுக்கு மட்டும் அந்த வாய்ப்பு அமையவில்லை.
இதுகுறித்து அசின் கூறுகையில், "ரஜினியுடன் நடிக்க இதுவரை எனக்கு வாய்ப்பு கிடைக்காதது வருத்தமாக உள்ளது. அவர் திரையுலகில் ஒரு லெஜன்ட். பல்வேறு படவிழாக்களில் ரஜினியை சந்தித்து இருக்கிறேன். அப்போதெல்லாம் என்னை ஊக்கப்படுத்தும் வார்த்தைகளை கூறுவார். விரைவில் அவருடன் நடிப்பேன் என்ற நம்பிக்கை உள்ளது," என்றார்.
நிறைய சொத்து சேர்த்திருப்பதாகவும், புதிய வீடுகள் பல வாங்கியிருப்பதாகவும் கூறப்படும் குற்றச்சாட்டுகளுக்கு அவர் அளித்த பதில், "நான் சொத்துக்கள் வாங்கி குவிப்பதாக கூறுகிறார்கள். அப்படி செய்வதில் எனக்கு ஆர்வம் கிடையாது.
ஆனாலும் ஒரு சராசரி மனிதனுக்கு தன் பெயரில் சொத்துக்கள் வாங்கம்போது ஏற்படும் மகிழ்ச்சி எனக்கும் ஏற்படுகிறது.
சமீபத்தில் கொச்சியில் 6 பெட்ரூம் அபர்ட்மென்ட் ஒன்றை விலைக்கு வாங்கியது உண்மைதான். அங்கு ஏற்கனவே அங்கு எனக்கு இன்னொரு வீடும் இருக்கிறது. இந்த 6 பெட்ரூம் அபார்ட்மென்ட் வீடு கடற்கரை அருகில் உள்ளது. வீட்டில் இருந்து வெளியே பார்த்ததால் ரம்மியமான அழகை ரசிக்கலாம்.
எனது பெற்றோர் மும்பையில் என்னுடனேயே வசிக்கின்றனர். அவர்கள் மாதந்தோறும் கொச்சி வீட்டுக்கு சென்று வருகிறார்கள். நானும் படப்பிடிப்பில் ஓய்வு கிடைக்கும் போதெல்லாம் அந்த வீட்டில் சென்று தங்கிவிடுவேன்.
சினிமாவிலும் வெளியேயும் எனக்கு நிறைய நண்பர்கள் உள்ளனர். அவர்களையும் கொச்சியில் புதிதாக வாங்கிற அபார்ட்மென்ட் வீட்டுக்கு அழைத்து செல்ல ஆர்வமாக உள்ளது.
தமிழில் முக்கியமான கதைகளை மட்டும் தேர்வு செய்து நடிக்கிறேன்," என்றார்.
Continue with Google