Click it and Unblock the Notifications
ராம்கோபால் வர்மா டைரக்ஷனில் மோகன்பாபு மகள்!
லட்சுமி மஞ்சு, அமெரிக்காவில் நடிப்பு குறித்துப் படித்தவர். தெலுங்குப் படங்களில் நடித்துக் கொண்டிருக்கிறார். இந்த நிலையில் டிபார்ட்மென்ட் மூலம் இந்தி நடிகையாகிறார்.
இதுகுறித்து லட்சுமி கூறுகையில், டிபார்ட்மென்ட் படத்தில் நடிக்க விருப்பமா என்று கேட்டு எஸ்எம்எஸ் அனுப்பியிருந்தார் ராமு. எனக்கு பெரும் சந்தோஷம். உடனே ஓ.கே. சொல்லி விட்டேன் என்றார்.
முன்னதாக இந்த வேடத்தில் நடிக்க முடிவாகியிருந்தவர் கங்கனா ரனவத். என்ன நடந்ததோ தெரியவில்லை. கங்கனாவை விட்டு விட்டு இப்போது லட்சுமிக்கு வந்துள்ளார் ராம் கோபால் வர்மா. இப்படத்தில் சஞ்சய் தத்தின் மனைவி வேடம்தான் லட்சுமி மஞ்சுக்கு. இதுவும் உடனே ஓ.கே. சொல்ல லட்சுமிக்கு ஒரு காரணமாம்.
இப்படத்தில் தெலுங்கு ஹீரோ ராணா டகுபதியும் இருக்கிறார். இதுகுறித்து லட்சுமி கூறுகையில், ராணாவும், நானும் நல்ல நண்பர்கள். அவருடன் படத்தில் இடம் பிடிப்பது சந்தோஷமாக இருக்கிறது என்றார்.
தற்போது தனது சகோதரர்களான மனோஜ் மஞ்சு மற்றும் பாலகிருஷ்ணா ஆகியோருடன் இணைந்து ஊ கொடதாரா உலிக்கி படதாரா என்ற தெலுங்குப் படத்தைத் தயாரித்து நாயகியாகவும் நடித்துக் கொண்டிருக்கிறார் மஞ்சு என்பது குறிப்பிடத்தக்கது.
ராமு இயக்கத்தில் மஞ்சு நடிப்பது இது 2வது முறையாகும். ஏற்கனவே தெலுங்கில் ராமு இயக்கிய டொங்கலா முத்தா என்ற படத்தில் நடித்திருந்தார் லட்சுமி மஞ்சு.
டிபார்ட்மென்ட் படத்தின் கதை இதுதான். இப்படத்தில் அமிதாப் பச்சன் அரசியல்வாதியாக மாறிய தாதா கும்பலின் தலைவராக நடிக்கிறார். சஞ்சய் தத்தும், ராணா டகுபதியும் என்கவுன்டர் ஸ்பெஷலிஸ்ட்டுகளாக வருகிறார்கள்.
Continue with Google