Click it and Unblock the Notifications
எல்லாப் புகழும் சாமிக்கே!
பெரும் சர்ச்சையை ஏற்படுத்தியுள்ள சிந்துசமவெளி படத்தில் மருமகள் மீது காமம் கொண்டு கள்ளக்காதலில் ஈடுபடும் மாமனார் கேரக்டரில் நடித்திருப்பவர் கஜினி. இவரது ஒரிஜினல் பெயர் குமரேசனாம். திருவண்ணாமலை மாவட்டம் செஞ்சியைச் சேர்ந்தவர்.
சினிமாவில் நடிப்பதற்காக 18 வயதிலேயே சென்னைக்கு வந்து விட்டார். வந்தவருக்கு இதுவரை வாய்ப்பு எதுவும் கிடைக்கவில்லை. திரைப்படக் கல்லூரியில் படித்தவர் கஜினி. இவரை சாமிதான் தனது படத்தில் நடிக்கும் வாய்ப்பைக் கொடுத்தார். இதன் மூலம் இன்று லைம் லைட்டுக்கும் வந்து விட்டார்.
இது கஜினிக்கு பெரும் சந்தோஷத்தைக் கொடுத்துள்ளதாம். இதுவரை போராடி வந்தேன். சாமி சார் படம்தான் எனக்கு பெரும் அடையாளத்தைக் கொடுத்துள்ளது. இந்தப் புகழுக்குக் காரணம் அவர்தான்.
கதையின் நாயகனாக நடித்துள்ளது பெருமை தருகிறது. இப்போது எனக்கு நிறைய பட வாய்ப்புகள் வருகின்றன. இதனால் பெரும் நிறைவாக இருக்கிறது. வித்தியாசமான கதாபாத்திரங்களில் நடிக்க காத்திருக்கிறேன் என்றார் கஜினி.
Continue with Google