For Quick Alerts
ALLOW NOTIFICATIONS  
For Daily Alerts

    ரஜினிக்கு நாங்கள் செய்யும் மரியாதை 'ரா ஒன்'! - ஷாரூக்கான்

    By Shankar
    |

    சூப்பர் ஸ்டார் ரஜினிக்கு நாங்கள் செய்யும் மரியாதை ரா ஒன், என்கிறார் ஷாரூக்கான்.

    ரஜினியின் பெயர், ரஜினியின் ரசிகர்களை முடிந்த வரை தங்களுக்குச் சாதகமாகப் பயன்படுத்திக் கொள்வதில் கோலிவுட்டுக்குச் சளைத்தவர்களில்லை பாலிவுட் நட்சத்திரங்களும்.

    ரா ஒன் படம் அறிவிக்கப்பட்டதிலிருந்தே, அது ஷங்கர் இயக்கத்தில் ரஜினி நடித்த எந்திரன் - தி ரோபோ படத்தை அப்படியே காப்பியடிக்கப்பட்டிருக்கிறது என்று கூறப்பட்டது. காரணம், எந்திரன் தயாராவதற்கு முன் அந்தக் கதையில் நடிக்க இருந்தவர் ஷாரூக்கான்தான். கதை, திரைக்கதை முழுமையாக அவருக்குத் தெரியும் என்பதால், அந்த பாதிப்பில் ரா ஒன்னை எடுத்து வருவதாகக் கூறப்பட்டது.

    படத்தின் போஸ்டர்கள், டிசைன்கள், பாத்திரங்களின் வடிவமைப்பு மற்றும் முன்னோட்டக் காட்சிகள் அனைத்தும் எந்திரனைப் போலவே உள்ளதாகக் கூறப்பட்டது.

    இந்த நிலையில் படம் படம் குறித்த நிருபர்கள் சந்திப்புக்கு ஏற்பாடு செய்திருந்த ஷாரூக்கானிடம், ரா ஒன், எந்திரன் படத்தின் தழுவலா என்று கேள்வி எழுப்பினர்.

    இதற்கு பதிலளித்த ஷாரூக்கான், "இரண்டும் வெவ்வேறு படங்கள். ரஜனி நடித்த எந்திரனுக்கும், எங்களது ரா ஒன்னுக்கும் நிறைய வித்தியாசங்கள் உள்ளன. நான் வேறு எதைப்பற்றியும் பேச விரும்பவில்லை.

    ஆனால் ஒன்று... ரஜினி சார் மீது நாங்கள் பெரும் மதிப்பும் மரியாதையும் வைத்திருக்கிறோம். சொல்லப் போனால், இந்த ரா ஒன் படமே ரஜினி சாருக்கு நாங்கள் செலுத்தும் மரியாதையாகத்தான் நினைக்கிறோம். நாங்கள் அந்த அளவு அவரை நேசிக்கிறோம்," என்றார் ஷாரூக்.

    ரா ஒன் படத்தை அபிநவ் சின்ஹா இயக்கியுள்ளார். ஷாரூக்கானுக்கு ஜோடியாக கரீனா கபூர் நடித்துள்ளார்.

    இந்தப் படத்தை இந்தி தவிர, தமிழ் மற்றும் தெலுங்கிலும் ரிலீஸ் செய்கிறார் ஷாரூக்கான்!

    English summary
    Shahrukh Khan''s most awaited film of the year, ''Ra.one'' will pay tribute to southern superstar Rajnikanth, whose ''Endhiran'', a 2010 Tamil science-fiction film, broke many box office records. Replying a question on the similarities of both Rajini's Enthiran and his Ra One, Shahrukh says, "I will not like to talk or claim about anyone else's film but Rajni sir is respectable to all of us. Actually, we have a tribute to Rajni Sir in the film. We love him."

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more