Don't Miss!
- News சிறையில் இருந்தே டெல்லியில் ஆட்சி.. கெஜ்ரிவாலுக்கு அனுமதி கோரி உயர்நீதிமன்றத்தில் பரபரப்பான மனு
- Sports இதெல்லாம் நிஜமா.. என்னை நானே கிள்ளிப் பார்த்துக் கொண்டேன்.. வருங்கால ஆஸி. அதிரடி மன்னன்
- Automobiles சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
- Lifestyle மீன ராசியில் வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு தொழிலில் வெற்றிகள் குவியும்..
- Technology Google-ன் அடுத்த அடி.. உங்க Gmail அக்கவுண்ட்ல 4000-க்கும் அதிகமான இமெயில் இருக்கா? அப்போ இதுதான் ஒரே வழி!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
என் வளர்ச்சிக்கு உதவிய 17 பேர்! - கமல்
ஹைதராபாத்: என் வெற்றியில் கணிசமான பங்கு மற்றவர்களுக்கும் உள்ளது. நான் இந்த நிலைக்கு வர ஒவ்வொரு படத்திலும் 17 பேர் காரணமாக இருந்துள்ளனர், என்றார் கமல்.
கமல், திரிஷா ஜோடியாக நடித்த மன்மதன் அம்பு படம் இம்மாத இறுதியில் ரிலீசாகிறது. தெலுங்கில் மன்மத பானம் என்ற பெயரில் வருகிறது.
தணிக்கை அதிகாரிகளிடம் யு சான்றிதழ் வாங்கியுள்ளது இந்தப் படம்.
மன்மத பாணத்தின் தெலுங்கு பாடல் சி.டி. வெளியீட்டு விழா ஹைதராபாத்தில் நடந்தது. கமல், மாதவன், இயக்குனர் கே.எஸ். ரவிக்குமார் கலந்து கொண்டனர்.
விழாவில் கமல் பேசுகையில், "இந்த கமல் எடுத்தவுடன் ஹீரோவாக வாழ்க்கையைத் துவங்கவில்லை. ஒரு உதவி டான்ஸ் மாஸ்டராகத்தான் சினிமா வாழ்க்கையைத் துவங்கினேன். இதே ஹைதராபாத்தில் 'வாழ்க்கை ரொம்ப சின்னது. அதை விட சின்னது இளமை...' என்ற பாடல் காட்சி எடுக்கப்பட்டது. அதில் நான் உதவி டான்ஸ் மாஸ்டராக பணியாற்றினேன். பிறகுதான் நடிகராகி இந்த அளவுக்கு உயர்ந்தேன்.
எனது வளர்ச்சிக்கு நான் மட்டும் காரணம் அல்ல. இதற்கு பின்னால் நிறைய நிபுணத்துவம் பெற்றவர்கள் இருக்கிறார்கள். நான் பெரிய நடிகராக இருக்கிறேன். நான் நடித்த ஒவ்வொரு படத்திலும் அதன் வெற்றிக்கு 17 பேர் முக்கியமாக இருந்துள்ளனர். அந்தந்த துறையின் நிபுணர்கள் அவர்கள்.
'மன்மதன் அம்பு' படத்தில் பாடல்கள் சிறப்பாக வந்துள்ளன. ஒரு பாடலை நான் பாடி உள்ளேன். இந்த படத்தில் மாதவனும் சங்கீதாவும் திறமையான நடிப்பை வெளிப்படுத்தியுள்ளனர். த்ரிஷாவின் நடிப்பு இதில் பெரிதும் பேசப்படும், " என்றார்.