Click it and Unblock the Notifications
கால்ஷீட் சொதப்பல்... ரஜினி மகள் படத்திலிருந்து அமலா பால் நீக்கம்!
சிந்து சமவெளி என்ற படத்தில் அறிமுகமாகி, மைனா படத்தில் நட்சத்திர அந்தஸ்தைப் பெற்றவர் அமலா பால். அதன் பிறகு அவருக்கு எக்கச்சக்க வாய்ப்புகள். விக்ரமுடன் நடித்த தெய்வத் திருமகன் வெற்றிபெற்றதால், அவரை முன்னணி நடிகர்கள் ஒப்பந்தம் செய்ய ஆரம்பித்தனர்.
ஐஸ்வர்யா தனுஷ், தான் முதல் முதலாக தனுஷை வைத்து இயக்கும் படத்தின் ஹீரோயினாக அமலாவை ஒப்பந்தம் செய்திருந்தார். அமலாவுக்கு இது மிகப் பெரிய வாய்ப்பாகும். சொல்லப் போனால் அவர் முதல்முதலாத முன்னணி நடிகருக்கு ஜோடியாக நடிப்பது இந்தப் படத்தில்தான். இதன்மூலம் அவர் முதல்நிலை நாயகி என்ற அந்தஸ்தைப் பெற்றார்.
இந்தப்படத்தின் பத்திரிகையாளர் சந்திப்பு கடந்த வாரம் நடந்தபோது, அதில் பங்கேற்று, இப்படி ஒரு வாய்ப்பு கிடைத்தது என் அதிர்ஷ்டம் என்றார் அமலா பால்.
இந்த நிலையில் இப்போது திடீரென படத்திலிருந்து நீக்கப்பட்டுள்ளார்.
இதற்கான பின்னணி குறித்து விசாரிக்கையில், ஐஸ்வர்யா தனுஷ் படத்தில் ஒப்பந்தமான பிறகு அமலா பால் தெலுங்கு படங்களுக்கு தனது கால்ஷீட்டை வாரி வழங்கிவிட்டது தெரியவந்தது.
இதனால் ஐஸ்வர்யா தனுஷ் படத்தின் போட்டோ ஷூட்டுக்குக் கூட வராமல் டிமிக்கி கொடுத்துவிட்டாராம் அமலா. தெலுங்கில் நாகார்ஜூனா மகன் நாக சைதன்யாவுக்கு ஜோடியாக ஒரு படத்திலும், ராம்கோபால் வர்மான உதவியாளர் இயக்கும் ஒரு படத்திலும் வாய்ப்பு கிடைத்ததால் தேதிகளை மொத்தமாக அவர்களுக்குக் கொடுத்துவிட்டு, தனுஷ் படத்தை வேண்டுமென்றே தவிர்த்துவிட்டதாகக் கூறுகிறார்கள்.
தமிழில் அறிமுகமாக 3 படங்கள் முடிப்பதற்குள் பிரச்சினைக்குரிய நாயகி என்ற பெயரையும், கால்ஷீட் சொதப்பலால் மிகப்பெரிய வாய்ப்பையும் உதறியிருக்கிறார் அமலா பால்.
தொடங்கிய இடத்திலேயே முடிவது என்பது இதுதான் போலிருக்கிறது!
Continue with Google