For Quick Alerts
    ALLOW NOTIFICATIONS  
    For Daily Alerts

    மீண்டும் வருவேன்! - சதா

    By Staff
    |

    Sadha
    ஜெயம் வெற்றிபெற்ற கையோடு, அடுத்த முதல் நிலை நடிகை என்று புகழப்பட்டவர் சதா. அதற்கேற்ப அடுத்தடுத்து பெரிய பட வாய்ப்புகளும் வந்தன. ஆனால் அந்நியனில் அவர் நடிக்கத் தொடங்கிய பிறகு படவாய்ப்புகளும் குறைந்துவிட்டன.

    இந்த நிலையில் தெலுங்கு, மலையாளம் என கவனம் செலுத்திக் கொண்டிருந்த அவர், இப்போது இந்தியில் பிஸியாக இருக்கிறாராம்.

    இந்தியில் அவர் நடித்து வெளியான லவ் கிச்சடி நன்றாகப் போய்க் கொண்டிருக்கிறதாம். மேலும் கல்பலி, ​க்ளிக் உள்ளிட்ட சில படங்​கள் ரிலீ​சுக்கு தயா​ராக உள்ளனவாம்.

    தமிழில் என்ன ஆச்சு... ஏன் இத்தனை பெரிய இடைவெளி?

    "தமிழில் நான் நடித்த படங்கள் எதுவும் தோல்விப் படங்கள் இல்லை. இது ரசிகர்களுக்கே தெரியும். ஆனாலும் வாய்ப்பு பெரிதாக வரவில்லை. என்ன செய்வது..ஒருவேளை ஆர்ட் படங்களில் நடித்திருக்க வேண்டுமோ என்னமோ? அந்த மாதிரி வாய்ப்புகள் ஏதாவது வந்தாலும் என்னை நிரூபிப்பேன். உண்மையைச் சொல்ல வேண்டும் என்றால், தமிழில் நல்ல கதைகளுக்காக காத்துக் கொண்டிருக்கிறேன். மீண்டும் வருவேன்" என்கிறார் சதா.

    நான் அவள் அது என்று ஒரு படம். மாதவனும் சதாவும் நடித்திருந்தார்கள். இதோ அதோ என இழுத்துக்கொண்டே போகும் இந்தப் படம் ரிலீசானால் தனக்கு மீண்டும் தமிழ் வாய்ப்புகள் பிரகாசமாக அமையும் என்று நம்புகிறார் சதா.

    "ஆனால் இந்தப் படத்தின் தயா​ரிப்​பா​ளர்​க​ளுக்கு பல பிரச்​னை​கள்.​ அது​தான் அந்​தப் படத்​தின் ரிலீ​சுக்கு தாம​தம் என நினைக்​கி​றேன்.​ படம் பாதி​யில் நின்​றி​ருந்​தா​லும் விட்டு விட​லாம்.​ ஆனால்,​​ படம் முழு​வ​தும் முடிந்​தும் ரிலீ​சா​க​வில்லை.​ அத​னால் கொஞ்​சம் வருத்​தம் இருக்​கி​றது..." எனும் சதா, திருமணம் பற்றி யோசிப்பது கூட இல்லையாம்.

    "என்ன அவசரம்... சில வருடங்கள் போகட்டும் பார்க்கலாம்" என்கிறார்.

    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X