Don't Miss!
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
இயக்குநர்கள் வேலையில் குறுக்கிடுகிறேனா?-அர்ஜூன்
இயக்குநர்களின் வேலையில் நான் குறுக்கிடுவதில்லை. அதே நேரம் என் அனுபவத்தின் அடிப்படையில் சில யோசனைகள் சொல்வது உண்டு. படத்தின் நன்மைக்காகத்தான், என்றார் நடிகர் அர்ஜூன்.
அர்ஜுன் நடிக்கும் 'வல்லக்கோட்டை' படம் ரிலீசுக்குத் தயாராகிறது. ஏ.வெங்கடேஷ் இயக்கியுள்ள இப்படத்தை டி.டி.ராஜா தயாரித்துள்ளார்.
வல்லக்கோட்டை படத்தில் நடித்த அனுபவம் பற்றி அர்ஜுன் கூறியதாவது:
'வல்லக்கோட்டை' பக்கா கமர்ஷியல் படம். ஆக்ஷன், காமெடி, உணர்ச்சிகரமான சீன்கள் எல்லாம் இந்தப் படத்தில் உண்டு. வாத்தியார், துரை படங்களுக்கு பிறகு மூன்றாவதாக வெங்கடேசும், நானும் இதில் இணைந்துள்ளோம்.
வெங்கடேஷ் தயாரிப்பாளர்களின் இயக்குனராக உள்ளார். இப்படத்தை வித்தியாசமான கதைக் களத்தில் உருவாக்கியுள்ளார். நான் நடித்த 'கிரி' படம் மாதிரி இதில் வலுவான கதை இருக்கு.
ரசிகர்கள் நான் சண்டைக்காட்சிகளில் நடிப்பதை விரும்புகிறார்கள். ஆனால் எனக்கு சண்டை போடுவதை விட காமெடி கதையம்சம் உள்ள படங்களில் நடிக்கத்தான் விருப்பம். இந்த படத்தில் காமெடி நன்றாக வந்துள்ளது.
படப்பிடிப்பில் நான் தலையிட்டு சீன்களை மாற்ற சொல்வதாக பலர் குறை படுகின்றனர். அது தலையீடு இல்லை. சினிமாவுக்கு வந்து 25 வருடங்கள் ஆகிவிட்டன. எனவே சினிமா மேல் உள்ள ஈடுபாடு காரணமாகத்தான் அப்படி நடந்து கொள்கிறேன். அதைத் தவறாக கருத வேண்டாம்.
படங்களுக்கு விளம்பரங்கள் முக்கியம். சில படங்கள் நல்லா இருக்கும். ஆனால் விளம்பரம் செய்தல், திட்ட மிடுதல் இல்லாமல் அவை தோல்வியாகியுள்ளன...", என்றார் அர்ஜூன்.