அடுத்தடுத்து சன் பிக்சர்ஸ் படம்: நான் ரொம்ப லக்கி! -தமன்னா

By Staff

| Published: Wednesday, January 28, 2009, 17:13 [IST]

அடுத்தடுத்து சன் பிக்சர்ஸ் படத்தில் நடிக்கும் வாய்ப்பு எனக்குக் கிடைத்துள்ளது. நான் உண்மையிலேயே ரொம்ப லக்கி, என உற்சாகத்தில் துள்ளுகிறார் 'சின்னப் பொண்ணு' தமன்னா!

தமிழ் சினிமாவில் மிக இளம்வயது நாயகி என்றால் அது தமன்னாதான். கேடியில் அறிமுகமான இவருக்கு, கல்லூரியில் ஒரு பிரேக் கிடைத்தது. அடுத்து வந்த படிக்காதவன் மூலம் பக்கா கமர்ஷியல் நாயகியாக கலக்க ஆரம்பித்து விட்டார். இந்த ஆண்டு தமன்னாவுடையது எனும் அளவுக்கு வரிசையாக மெகா படங்கள் காத்திருக்கின்றன.

இதுகுறித்து அவர் கூறியிருப்பதாவது:

படிக்காதவன் படம் இவ்வளவு பெரிய ஹிட்டாகும் என நான் எதிர்பார்க்கவே இல்லை. அடுத்து அதே சன் நிறுவனத்தின் அயன் படத்திலும் நான்தான் நாயகி.

அடுத்தடுத்து சன் பிக்சர்ஸின் இரண்டு படங்களில் நான் நடித்த பெருமை அநேகமாக எனக்கு மட்டும்தான் கிடைத்துள்ளது. ரொம்ப லக்கி நான்.

அயன் படத்தில் கல்லூரி மாணவி வேடம். எதுவாக இருந்தாலும் மற்றவர் முகம் பார்த்து தைரியமாக பேசிவிடும் வேடம். இந்த வேடம் செய்வது எனக்குப் புதிதாக இருந்தது. காரணம், நிஜத்தில் நான் அந்த மாதிரி கிடையாது.

லிங்குசாமி இயக்கத்தில் கார்த்தி ஜோடியாக பையா படத்தில் நடித்து வருகிறேன். தெலுங்கில் 'கொஞ்சம் இஷ்டங்கா கொஞ்சம் கஷ்டங்கா' படத்தில் நடித்துள்ளேன்.

ஜப் வீ மெட் ரீமேக்கில் பரத் ஜோடியாக நடிக்க உள்ளேன். இதன் ஷூட்டிங் மார்ச்சில் தொடங்குகிறது. ஜப் வீ மெட் இந்திப் படத்தையும் பார்த்திருக்கிறேன். இதில் நடித்ததற்காக கரீனா கபூருக்கு சிறந்த நடிகைக்கான பல விருதுகள் கிடைத்தன. எனவே இந்த வேடம் எனக்கு சவாலானது. அதே நேரம் அவரது நடிப்பை காப்பி அடிக்கக் கூடாது என்பதில் தெளிவாக இருக்கிறேன், என்றார்.

ரொம்ப தெளிவு!