Don't Miss!
- News போலி பத்திரம்.. ஆன்லைனிலேயே பத்திர மோசடியை கண்டுபிடிக்கலாமா? இதை கவனியுங்க.. தமிழக அரசு சபாஷ்
- Automobiles சீன நிறுவனம் கேட்ட முக்கிய சான்றை வழங்கிய இந்தியா! மத்த நாடுகள வளச்சு போட்டதபோல இந்தியாவையும் வளச்சுபோட போகுது
- Lifestyle Today Rasi Palan 19 April 2024: இன்று இந்த ராசிக்காரர்கள் நிலுவையிலுள்ள பணிகளை முடிக்க முயற்சிப்பது நல்லது...
- Sports IPL Classics - 87 ரன்களில் ஆல் அவுட்டான மும்பை.. பஞ்சாப் அணியில் பிரவீன்குமார் அபார பவுலிங்
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
அப்பவே கமல் சார் எல்லோரையும் எச்சரிச்சாரு. நாமதான் கேக்கலை: போஸ் வெங்கட்
Recommended Video
சென்னை : நடிகர் போஸ் வெங்கட், சின்னத்திரையில் அறிமுகமாகி தற்போது சினிமாவில் முன்னணி நடிகர்களின் படங்களில் நடித்து வருகிறார்.
அரசியல் ஆர்வம் கொண்ட போஸ் வெங்கட் தீவிர தி.மு.க-காரர். சமீபத்தில் ஈரோட்டில் நடைபெற்ற தி.மு.க மாநாட்டு மேடையிலும் பேசியிருக்கிறார்.
சின்னத்திரை கலைஞர்கள் சங்கப் பொறுப்பில் இருக்கும் போஸ் வெங்கட்டிடம், சினிமா ஸ்ட்ரைக் தொடர்பாகவும், அவரது அரசியல் ஆசைகள் தொடர்பாகவும் பேசினோம்.
சினிமா ஸ்ட்ரைக் - பற்றி?
"இதுவரைக்கும் சினிமாவுல நடிகர் சங்கத்தால் நடந்த நல்ல விஷயங்கள் நிறைய இருக்கு. படிப்படியா முன்னேறி வந்திருக்கோம். நடிகர் சங்கத்துக்கு கட்டிடம் கட்டுறதா இருக்கட்டும்.. நடிகர் சங்கத்தோட மேம்பாடா இருக்கட்டும்.. இதுவரைக்கும் இருந்ததை விட இப்போ பெட்டரா இருக்கு இல்லையா.. அதே மாதிரி, இப்போ தயாரிப்பாளர் சங்கத்தலைவராகி இருக்கார் விஷால். இப்போ எடுத்திருக்கிற எல்லா நடவடிக்கைகளுமே நாம் வாயைப்பொளந்து அப்படியானு கேட்கிற அளவுக்கு இருக்கு."
நல்ல மாற்றமா இது?
"அதாவது ஒரு உண்மையை இப்போதான் தோண்டி வெளிய எடுத்த மாதிரி தெரியுது. இதுக்கு முன்னாடி இருந்தவங்களும் இப்படி நல்ல நடவடிக்கைகள் பண்ணியிருந்தாங்கனா வளர்ச்சி இன்னும் பெட்டரா இருந்திருக்கும். கியூப் விஷயத்தில் எல்லாம் முன்னாடியே நாம தெளிவாக இருந்திருக்கலாம். அப்பவே கமல் சார் எல்லோரையும் எச்சரிச்சாரு. நாமதான் கேக்கலை. இப்போத்தான் முழிச்சிருக்கோம்."
எதிர்காலத் திட்டம் - அரசியல்?
"அரசியல்வாதிங்கிறதுதான் என்னோட அடித்தளம். சமீபத்துல நடந்த ஈரோடு மாநாட்டுல தளபதி ஸ்டாலின் எனக்குப் பேசுறதுக்கு வாய்ப்பு கொடுத்தார். ஈரோடு மாநாட்டுல இதுவரைக்கும் பேசுன நடிகர்கள் எல்லோரையுமே எம்.எல்.ஏ-வாகவோ எம்.பி.-யாகவோ ஆக்கிருக்காங்க. கடந்த 2016 சட்டமன்றத் தேர்தல்லயே நான் சீட் கேட்டிருந்தேன். என்னோட தொடர்ச்சியான கட்சி வேலை, ஈடுபாடுகளைப் பார்த்துட்டு மாநாட்டுல பேசுறதுக்கு வாய்ப்பு கொடுத்திருக்காங்க."
இந்த முறை வாய்ப்பு கிடைக்குமா?
"மாநாட்டில் இருந்து நல்ல விஷயங்கள் நடக்கும். அதனால், சீரியஸா தி.மு.க-வுக்காக வேலை பார்க்கணும். தொகுதியைப் பொறுத்தவரைக்கும் எப்பவுமே நாம ஒரு நாலு தொகுதியைக் கேட்போம். என்னோட சொந்த தொகுதியான அறந்தாங்கி கேட்பேன். இப்போ இங்கே இருக்கிற தொகுதி மதுரவாயல் கேட்பேன். கட்சியில் அவங்க கலந்துபேசி கொடுக்கிறதைக் கொடுப்பாங்க. நம்பிக்கையோட காத்திருக்கேன்."
குடும்பம்.. பிள்ளைகள்?
"பையன் டென்த் ஸ்டாண்டர்டு போறான். பொண்ணு அஞ்சாவது போறாங்க. புள்ளைங்கலாம் நல்லா வளர்ந்துட்டாங்க. பொறுப்புகள் அதிகமாகிருச்சு. பசங்க மேலயும் இனி கவனம் வெச்சுக்கணும். அடுத்தடுத்த தளம் நோக்கி முன்னேறனும். அஜித் சார் கூட நடிக்கிற 'விசுவாசம்' மற்றும் சில படங்கள் கையில் இருக்கு. சினிமா, அரசியல், குடும்பம்னு எல்லா துறைகளையும் நல்லபடியா நிர்வகிக்கணும்." என்றார் போஸ் வெங்கட்.