எனக்கு கணவராக வருவதற்கான தகுதிகள்... மனம் திறக்கிறார் அனுஷ்கா

Published: Tuesday, July 15, 2014, 10:32 [IST]

ஹைதராபாத்: தொடர்ந்து தனது நடிப்பிற்கு உறுதுணையாக இருப்பவரே தனக்கு கணவராக வர முடியும் என விருப்பம் தெரிவித்துள்ளார் நடிகை அனுஷ்கா.

தமிழில் முன்னணி நடிகைகளில் ஒருவர் அனுஷ்கா. இவர் தற்போது சூப்பர்ஸ்டார் ரஜினியுடன் லிங்கா படத்திலும், அஜீத்துடன் ஒரு படத்திலும் நடித்து வருகிறார்.

இந்நிலையில், தனது ஆசைகள் மற்றும் எதிர்பார்ப்புகள் குறித்து செய்தி நிறுவனம் ஒன்றிற்கு பேட்டியளித்துள்ளார் அனுஷ்கா. அதில் அவர் கூறியிருப்பதாவது :-

ஓய்வு...

கேள்வி:- ஓய்வை எப்படி கழிக்கிறீர்கள்?
பதில்:- புத்தகம் படிப்பேன், பாடல்கள் கேட்பேன். தெரியாத புது விஷயங்களை தெரிந்து கொள்ள ஆர்வம் காட்டுவேன்.

பிடித்த உணவு...

கே: பிடித்த உணவுகள்?
ப: சிக்கனில் செய்த எல்லா உணவுகளும் பிடிக்கும். பிரியாணியை விரும்பி சாப்பிடுவேன். பாயாசமும் பிடிக்கும்.

செல்லப்பெயர்...

கே: உங்களின் செல்லப் பெயர்கள்?
ப: பேபி, மேக், ஹனி.

வருங்கால கணவர்...

கே: வருங்கால கணவர் எப்படி இருக்க வேண்டும்?
ப: இல்லாத பொல்லாத 'ரூல்ஸ்'களை என் மேல் திணிக்க கூடாது. என்னை முழுமையாக புரிந்து கொண்டவராக இருக்க வேண்டும். நடிகையாக தொடர எனக்கு சப்போர்ட் பண்ண வேண்டும்.