ரசிகர்களிடம் வரவேற்கத் தக்க மாற்றம்! - அனுஷ்கா

ரசிகர்களின் ரசனையில் நல்ல மாற்றம் ஏற்ப்டடுள்ளது. ஆக்ஷன், காதல் படங்களைத் தாண்டி, நல்ல கதை உள்ள பாசத்துக்கு முக்கியத்துவம் தரும் படங்களையும் நன்கு வரவேற்கிறார்கள். இது மகிழ்ச்சி அளிக்கிறது, என்கிறார் அனுஷ்கா.

விக்ரமுடன் அனுஷ்கா நடித்த தெய்வத்திருமகள் படம் வெளியாகி வெற்றி நடைபோடுகிறது.இதில் அனுஷ்காவுக்கு ஜோடி கிடையாது.

ஆனாலும் அவரது கேரக்டருக்கு நல்ல வரவேற்பு.

இது குறித்து அனுஷ்கா கூறுகையில், "தெய்வத் திருமகள் படத்தை தியேட்டரில் ரசிகர்களுடன் உட்கார்ந்து பார்த்தேன். ரொம்பவும் ரசித்தனர். எனக்கு மகிழ்ச்சியாக இருந்தது.

தெலுங்கு நடிகருடன் என்னை இணைத்து கிசு கிசு கிசுக்கள் வருகின்றன. அதற்கு பதில் சொல்ல விரும்பவில்லை. மக்களுக்கு என்னைப் பற்றி தெரியும்.

தமிழில் நடித்தாலும், தெலுங்குக்குதான் முன்னுரிமை. காரணம் என்னை வளர்த்தது தெலுங்குதான்.

இப்போது ரசிகர்ளின் மனநிலை மாறியிருக்கிறது. நல்ல படங்களை ரசிக்கிறார்கள். ஆக்ஷன், காதல் படங்கள்தான் ஓடும் என்றில்லை.இதனை தெய்வ திருமகள் மூலம் புரிந்து கொண்டேன். இது மகிழ்ச்சிக்குரிய மாற்றம்தான்," என்றார்.