Click it and Unblock the Notifications
4 கோடி கடன்.. சேரன்லாம் ஒரு மூஞ்சியானு கேட்டாங்க' - ஆட்டோகிராஃப் நாயகன் எக்ஸ்க்ளூசிவ்!
சென்னை: "சேரன்லாம் ஒரு மூஞ்சியானு எல்லாரும் கேட்டாங்க…" இயக்குநர் சேரன் சமீபத்திய பேட்டியில் ஆட்டோகிராஃப் படம் குறித்த பல சுவாரஸ்யமான விஷயங்களைப் பகிர்ந்துகொண்டார். படம் உருவான விதம், ஒளிப்பதிவாளர்கள் தேர்வு, நிதி நெருக்கடிகள் எனப் பல சவால்களைக் கடந்து இப்படம் வெற்றி பெற்ற கதையை அவர் விவரித்தார்.
2004 பிப்ரவரி 19-ல் வெளியான ஆட்டோகிராஃப் திரைப்படம், சேரனின் திரை வாழ்க்கையில் ஒரு திருப்புமுனையாக அமைந்தது. முதல் நாள் முதல் காட்சி பார்க்காத சேரன், மூன்று நாட்கள் கழித்தே திரையரங்கிற்குச் சென்ற அனுபவத்தைப் பகிர்ந்துகொண்டார். பாரதிராஜா, பொற்காலம் போன்ற படங்களுக்குப் பிறகு, விமர்சனங்களால் ஏற்பட்ட அனுபவமே காரணம் என்றார்.
ஆட்டோகிராஃப் படத்தின் கதை விஜய், சூர்யா, விக்ரம் எனப் பல நடிகர்களிடம் சொல்லப்பட்டது. படத்தில் நடித்திருந்தால் நன்றாக இருந்திருக்கும் என அவர்களில் பலர் வருத்தப்பட்டதாக சேரன் கூறினார். ஒரு காம்ப்ளக்ஸ் தியேட்டரில் ஐந்து திரையரங்குகளிலும் ஐந்து வாரம் ஆட்டோகிராஃப் ஓடியது ஒரு சாதனையாகும்.
கமர்ஷியல் பாடல்கள், சண்டைக் காட்சிகள் இல்லாமல் ஒரு எதார்த்தமான படமாக ஆட்டோகிராஃப் வெற்றி பெற்றது ஆச்சரியமாக இருந்தது. காரணம், மக்களின் வாழ்க்கைக்கு நெருக்கமான சம்பவங்கள் படத்தில் இருந்ததே. 70% மக்கள் நினைத்தவர்களுடன் வாழ்வதில்லை என்ற நிதர்சனம் படத்தில் இருந்ததுதான் படத்தின் வெற்றிக்குக் காரணம் என்றார் சேரன்.
ஆரம்பத்தில் சேரன் நடிக்க வேண்டாம் என பலர் கூறியுள்ளனர். "சேரன்லாம் ஒரு மூஞ்சியா அந்த மூஞ்சி எல்லாம் பாக்கணுமா" என்று விமர்சித்தவர்களும் உண்டு. ஆனால், கதையின் மீது இருந்த நம்பிக்கையால் சேரன் நடித்தார். செந்திலாகவே வாழ்ந்ததால், ரசிகர்கள் அவரைத் தங்களின் ஒருவராகவே பார்த்தனர்.
கேரளா, கோயம்புத்தூர், சென்னை எனப் படத்தின் கதைக்களம் அமைந்ததற்குப் பல காரணங்கள் உண்டு. கேரளாவில் ஒரு காதல் உருவாகும் சூழல் இருப்பதாகவும், அது புதிய அனுபவமாக இருக்கும் என்றும் சேரன் கூறினார். உலகத் திரைப்படங்களின் தாக்கமே வெவ்வேறு இடங்களில் படப்பிடிப்பு நடத்த காரணம்.
படத்தில் இடம்பெற்ற 'நினைவுகள் நெஞ்சிலே’ பாடலில் சிகரெட்டை நெஞ்சில் சுடும் காட்சி உருவானதற்கான காரணத்தையும் சேரன் கூறினார். காதல் தோல்வியின் வலியையும், அந்த பைத்தியக்காரத்தனத்தையும் வெளிக்காட்டவே அந்தக் காட்சி வைக்கப்பட்டது. அந்தக் காட்சியின் மூலம், தோல்வியைக் கடந்து வாழ முடியும் என்ற நம்பிக்கையைத் தெரிவிக்கவே முயற்சி செய்ததாக சேரன் கூறினார்.
சினேகா கதாபாத்திரத்தை முதலில் காதலியாக உருவாக்க நினைத்தாலும், பின்னர் அது நட்பாக மாற்றப்பட்டது. ஆட்டோகிராஃப் திரைப்படம் நவம்பர் 14-ஆம் தேதி மறுவெளியீடு செய்யப்படுகிறது. இப்படத்தை மக்கள் எப்படி கொண்டாடுகிறார்கள் என்பதைப் பொறுத்தே தனது அடுத்த கட்ட நகர்வு இருக்கும் என்பதை சேரன் தெரிவித்தார்.
சபேஷ் முரளியின் இசைத்திறமை திரைப்படத்திற்கு உயிர் கொடுத்தது. அவருடைய ரீ-ரிக்கார்டிங் திரைப்படத்தை இன்னும் அழகாக்கியது. ஒரு ஷாட்டுக்காக 2 லட்சம் செலவழித்தேன் என்று சொன்னபோது எல்லோரும் திட்டினார்கள். ஆனால், 21 வருடங்கள் கழித்தும் அந்த ஷாட் பேசப்படுகிறது. இதுவே அந்த பணத்துக்கான மதிப்பு என்றார் சேரன். கிட்டத்தட்ட 4 கோடி வரை கடன் ஏற்பட்ட கதையையும் இந்த பேட்டில் சேரன் ஓபனாக பேசியுள்ளார்.
ஆட்டோகிராஃப் திரைப்படத்தின் மூலம் கிடைத்த வெற்றிக்குப் பிறகு, கில்லி போன்ற படங்களில் நடிக்க வாய்ப்பு வந்தும், சேரன் நடிக்க மறுத்துவிட்டார். தனக்குச் செட் ஆகாத கதாபாத்திரங்களில் நடிக்க முடியாது என்பதே அவர் எடுத்த முடிவு. சினிமா மீது இருந்த பைத்தியமே இன்று வரை அவரை இயக்குகிறது.
Continue with Google