சி.எம். சிரிச்சுட்டாரு.. அரசு கொரோனா விளம்பரங்களை இயக்கும் இயக்குநர் EV கணேஷ் பேட்டி!

முதலமைச்சர்

'கட்டில்' திரைப்படத்தை இயக்கி, தயாரித்து, நடித்து வரும் EV கணேஷின் திறமையை பார்த்து அவருக்கு இப்படியொரு அற்புதமான வாய்ப்பு இந்த லாக்டவுன் நேரத்தில் கிடைத்துள்ளது. மனோபாலாவை வைத்து இவர் இயக்கிய முதல் கொரோனா விளம்பர படத்தை பார்த்த முதலமைச்சர் பழனிசாமி சிரித்து விட்டார் என்றும், இந்த வாய்ப்பு கொடுத்த அவருக்கு நன்றியும் தெரிவித்தார்.

ரோபோ சங்கர், ரவி மரியா

இயக்குநரும் நடிகருமான ரவி மரியா மற்றும் ரோபோ சங்கரை வைத்து அடுத்ததாக இயக்கிய கொரோனா விளம்பரமும் ரசிகர்கள் மத்தியில் மிகப்பெரிய வரவேற்பை பெற்றது. டிக்டாக் தடைக்கு முன்னதாக அந்த வீடியோவை பலரும் டிக்டாக் செய்து வந்த நிலையில், அந்த விளம்பரத்திற்கு கிடைத்த வரவேற்பை தொடர்ந்து, ஏகப்பட்ட கொரோனா விழிப்புணர்வு விளம்பரங்களை உருவாக்கும் பணியை அரசு இவரிடமே கொடுத்து வருகிறது.

பெரியப்பா விளம்பரம்

ஆடுகளம் படத்தில் பேட்டைக்காரனாக நடித்து கலக்கிய பிரபல இலங்கை எழுத்தாளும் நடிகருமான ஜெயபாலன் மற்றும் தேவயாணி நடிப்பில் அடுத்ததாக உருவாக்கப்பட்ட கொரோனா விளம்பரமும் மிகப்பெரிய வரவேற்பை பெற்றது. மாஸ்க் அணிந்து கொண்டும் 60 வயதுக்கு மேற்பட்டவர் வெளியே சுற்றக் கூடாது என்ற அக்கறையுடன் அந்த விளம்பரத்தை இயக்கிய அனுபவங்களையும் இந்த பேட்டியில் இயக்குநர் பகிர்ந்துள்ளார்.

இ பாஸ் அவசியம்

தனி ஒருவனால் 100 பேருக்கு பரவிய கொரோனா என்ற கான்செப்டில் இவர் இயக்கிய குறும்படம் இ பாஸ் எடுக்க வேண்டியதின் அவசியத்தை வெளிப்படுத்தியது. நடிகர்கள் மாரி முத்து, பவன் நடிப்பில் உருவான இந்த விளம்பரத்தையும் கொரோனாவுக்காக உருவாக்கிய பாடல் என அனைத்தையும் இயக்குநர் பேட்டியுடன் சேர்த்தே இந்த வீடியோவில் கண்டு களிக்க வீடியோவை க்ளிக் செய்யுங்க!